Արցախյան ազատամարտի հերոս, գեներալ-մայոր Արկադի Տեր-Թադեւոսյանը համոզված է, որ «1000 դրամի օրինագիծը» իսկապես անհրաժեշտ է եւ օգտակար, քանի որ զոհված եւ վիրավորված զինծառայողների ընտանիքները դժվար կացության մեջ են: «Շատերն օրինագծի բացասական կողմերն են տեսնում, բայց դա իրենց կարծիքն է: Իհարկե, բացասական կողմերը ճիշտ են մատնանշում»,-Aravot.am-ի հետ զրույցում ասաց Արկադի Տեր-Թադեւոսյանը:
Նա, սակայն, դժվարացավ նշել, թե ինչպես է լուծվելու ստեղծվելիք հիմնադրամի հանդեպ հանրության վստահության բացակայության խնդիրը:
Խնդրեցինք կարծիք հայտնել նաեւ այն մասին, որ ըստ որոշ ազատամարտիկների՝ պետք է կենտրոնացնել կամավորական ուժերը եւ պատրաստ լինել Ադրբեջանի հարձակմանը: «Մենք պետություն ունենք, 1991 թիվը չէ: Ուղղակի այստեղ պետք է պատրաստ լինենք, որ անհրաժեշտության դեպքում կամավորներին ուղարկենք, ոչ թե ինքնուրույն թողենք գնան»,-ասաց Արկադի Տեր-Թադեւոսյանը:
Պաշտպանության նախարար Վիգեն Սարգսյանի՝ ՀՀԿ-ական դառնալը Կոմանդոսը չմեկնաբանեց, բայց ասաց, որ նա ճիշտ քայլ է արել:
Կարդացեք նաև
Լուիզա ՍՈՒՔԻԱՍՅԱՆ
