ԱԺ փոխնախագահ Հերմինե Նաղդալյանի պարզաբանումը՝ ՀՀ նախագահ Սերժ Սարգսյանի ելույթի առնչությամբ:
-Տիկին Նաղդալյան, ինչու՞ էր ՀՀԿ 16-րդ համագումարում հնչած ՀՀ նախագահի ելույթում վերլուծվում և համեմատականներ տարվում 2007-ի և ներկայիս իրողությունների միջև:
-Նոյեմբերի 26-ի ՀՀԿ համագումարը մեր երկրի քաղաքական կյանքի կարևորագույն իրադարձությունն էր՝ իշխող կուսակցության համագումարը, որի ընթացքում հնչած ՀՀ նախագահի հաշվետու ելույթը կուսակցության ղեկավարի ելույթ էր:
2007 թվականից առ այսօր Հանրապետականը ներկայացել է երկու նախընտրական ծրագրերով՝ 2007-2012 թթ և 2012-2017 թթ: Մեր ղեկավարի կողմից ներկայացված հաշվետվության ժամանակահատվածը հենց այդ տրամաբանական հենքն ուներ:
Կարդացեք նաև
Ասեմ ավելին՝ 2007 թվականին Սերժ Սարգսյանը դարձավ և՛ ՀՀԿ նախագահ, և՛ երկրի վարչապետ, ով պատասխանատու էր երկրի տնտեսական զարգացման համար: Մենք հաշվետու ենք և՛ մեր ընտրողներին և՛ ամբողջ հասարակությանը, քանզի, ստանալով մեր քաղաքացիների վստահության քվեն, աշխատել ենք կյանքի կոչել երկրի զարգացման մեր տեսլականը՝ հաղթահարելով առկա խոչընդոտներն ու համարժեք արձագանքելով մարտահրավերներին:
