«Մեդիա Կենտրոնում» ՀՀԿ փոխնախագահ, ԿԳ նախկին նախարար Արմեն Աշոտյանի ասուլիսի ժամանակ այսօր Aravot.am-ը նրանից հետաքրքրվեց, թե ի՞նչ կարծիքի է ռուսերենը երկրորդ պետական լեզու հռչակելու եւ Լեւոն Մկրտչյանի՝ հանրակրթական համակարգում ռուսերենին առավել բարձր կարգավիճակ տալու հայտարարությունների մասին:
Արմեն Աշոտյանը հիշեցրեց՝ իր պաշտոնանկության ժամանակ հայտարարել է, որ չի անդրադառնալու կրթության ոլորտի խնդիրներին, եթե դրա խիստ անհրաժեշտությունը չլինի, ուստի Լեւոն Մկրտչյանի նշյալ հայտարարությունը չմեկնաբանեց՝ հավատարիմ մնալով խոստմանը:
Ինչ վերաբերում է ռուսերենը հետխորհրդային երկրներում երկրորդ պետական լեզու հռչակելու ռուսական կողմի հայտարարությանը, Արմեն Աշոտյանը նշեց. «Ո՞նց կարելի էր լրատվական մի մասով կուլ տալ այն խայծը, որը նետվեց մեր տեղեկատվական դաշտ: ՌԴ-ի ԱԳՆ-ի ինչ-որ պաշտոնյա հայտարարություն է արել, որը բերել ՀՀ-ում դարձնել են քաղաքական օրակարգ…Հայաստանում կարիք չկա երկրորդ պետական լեզվի, բայց դա պետք չէ սարքել վերնագիր, ակնհայտ է, որ կարիք չկա»:
Արմեն Աշոտյանը կարծում է, որ նշյալ թեման առհասարակ հայկական լրատվամիջոցների կողմից չպետք է մտցվեր քաղաքական օրակարգ:
Կարդացեք նաև
Լուիզա ՍՈՒՔԻԱՍՅԱՆ
