Ամբողջ կյանքում լողով զբաղված 25-ամյա Ջեկի Գոնչերը 17 տարեկանում վնասվածք ստանալով ութ տարի գամված է եղել անվասայլակին: Բժիշկը նրան ասել էր, թե ամենայն հավանականությամբ այլեւս քայլել չի կարողանա: Բայց աղջիկը պայքարել է եւ սեփական հարսանիքի օրը հաղթել:
Ամուսնությունից մեկ տարի առաջ Ջեկին վերսկսել է թերապիայի կուրսերը: Նա արդեն կարողացել է ոտքի վրա կանգնել 30 րոպե:
Երբ մոր ու պապի ուղեկցությամբ Ջեկիին անվասայլակով բերել են եկեղեցի, արարողության մասնակիցները նրան վերաբերվել են կարեկցանքով: Բայց երբ Ջեկին ոտքի է կանգնել, բոլորը ցնցվել են: Նա 45 րոպե դիմացել է պսակադրության արարողությանը, եւս 5 ժամ էլ՝ ակտիվ մասնակցել հարսանիքին: Ընդ որում, այդ օրը նա իր ամուսնու հետ պարել է բառիս բուն իմաստով առաջին պարը:
Կարդացեք նաև
Ջեկին շարունակում է բուժական մարզումները՝ հաշմանդամի անվասայլակին ընդմիշտ հրաժեշտ տալու համար:
Աշոտ ՀԱԿՈԲՅԱՆ
Լուսանկարները՝ mirfactov-ի
