«Ընդդեմ գենդերահեն բռնության 16-օրյա քարոզարշավի» մեկնարկի միջոցառման ընթացքում այսօր ՀՀ վարչապետի օգնական Արամ Վարդեւանյանը կանանց իրավունքների ոտնահարման դեպքերից առանձնացրեց՝ որպես օրինակ վկայակոչելով հետեւյալը. «Դատարանի՝ օրինական ուժի մեջ մտած դատավճռով՝ երեխայի խնամքը հանձնվում է մորը, սակայն գործնականում հայրը կամ չի հանձնում երեխային, կամ այլ խնդիրներ են առաջանում, ու ԴԱՀԿ-ն չի կարողանում ապահովել դատարանի վճռի կատարումը»:
Արամ Վարդեւանյանը նշեց, որ վարչապետին ուղղված երկու նամակի դեպքում նշյալ խնդիրը լուծում է ստացել. «Վարչապետի հանձնարարականով՝ մանրամասն ուսումնասիրեցինք, եւ այսօր ուրախությամբ արձանագրեմ՝ դեպքերից երկուսը, որոնք գրեթե երեք տարի ձգձգվել են, վերջին յոթ օրում լուծում են ստացել: Այսինքն, հարկադիր կատարումը երեք տարի ձգձգվել է»:
Վարչապետի օգնականը հիշեցրեց, որ ավելի վաղ Կարեն Կարապետյանը հրապարակել էր հեռախոսահամարներ՝ իրեն հարցեր եւ առաջարկություններ ուղղելու համար:
Կարդացեք նաև
Լուիզա ՍՈՒՔԻԱՍՅԱՆ
