ԲՀԿ խմբակցության պատգամավոր Լյովա Խաչատրյանն առաջարկում է ԱԺ կանոնակարգ-օրենքում մի դրույթ ներառել`եթե պատգամավորը հարցի քննարկումից շեղվում է, նրան զրկել ձայնի իրավունքից: Այսօր ԱԺ պետաիրավական հարցերի մշտական հանձնաժողովում, երբ քննարկվում էր ԱԺ կանոնակարգ-օրենքի նախագիծը, պատգամավորը հնչեցրեց իր առաջարկը: ՀՀԿ-ական պատգամավոր Լեւոն Մարտիրոսյանը գործընկերոջը հարց ուղղեց. «Էդ շատ խոսացող պատգամավորները մյուս խորհրդարան կգա՞ն»: «Նորերը կգան»,- եղավ Լյովա Խաչատրյանի պատասխանը:
Պատգամավոր Տիգրան Ուրիխանյանին մտահոգող հարցի առնչությամբ`պատգամավորների կողմից քաղաքացիների ընդունելությունը պարտադիր ամրագրել, հանձնաժողովի նախագահ Հովհաննես Սահակյանը խոստացավ անձամբ հետամուտ լինել եւ եթե Սահմանադրության հետ հակասություններ չլինեն:
Լյովա Խաչատրյանը մեկ այլ հարց էլ հնչեցրեց` ԱԺ նախագահի տեղակալների իրավունքների կանոնակարգում. «Ո՞ւմ, ո՞նց ուզում`մեկնաբանում են, կնոպկան անջատում են»: Գագիկ Ջհանգիրյանն էլ հավելեց`երկուսը քիչ էին, հիմա երեքն են դառնում: Հովհաննես Սահակյանն ասաց, որ այդ հարցերը Գագիկ Ջհանգիրյանի հետ արդեն քննարկել են, հիմա փորձում են կանոնակարգումներ գտնել:
Կարդացեք նաև
Բավականին տարակուսանքների տեղիք տվեցին քննիչ հանձնաժողովի, խորհրդարանական վերահսկողության, հանձնաժողովներին օրենսդրական նախաձեռնություն տալու եւ այլ դրույթներ:
ՀՀ արդարադատության նախարար Արփինե Հովհաննիսյանը պատգամավորներին տեղեկացրեց, որ նախագիծը դեռ լրամշակվում է: Պատգամավորների մի շարք մտահոգություններ արդեն իսկ վերանայվել եւ ընդունվել են, որոշների շուրջ կառավարությունում պատրաստ են քննարկումների:
Մանրամասները`տեսանյութում
Նելլի ԳՐԻԳՈՐՅԱՆ
