Բելառուսը պատրաստ է օգնել Լեռնային Ղարաբաղի հակամարտության խաղաղ կարգավորման գործում: Այս մասին ադրբեջանական Trend գործակալության հետ զրույցում ասել է Բելառուսի նախագահ Ալեքսանդր Լուկաշենկոն:
«Ձեզ անկեղծ կասեմ. ինչպես բելառուսներն անտարբեր չմնացին այն ամենի նկատմամբ, ինչ կատարվում է Դոնբասում, այնպես էլ մեր ժողովրդի սիրտը ցավում է Ղարաբաղի համար: Եվ դա պատահական չէ: Չէ՞ որ մենք բոլորս՝ ուկրաինացիները, ռուսները, բելառուսները, հայերը ադրբեջանցիները, ուրիշ այլ ժողովուրդների ներկայացուցիչներ, դուրս ենք եկել մեկ մեծ երկրից, մեկ եղբայրական ընտանիքից՝ Խորհրդային Միություն անունով: Ուստի մենք կներդնենք բոլոր ջանքերը՝ մարդկանց համար խաղաղություն, կանոնավոր կյանք ու հանգստություն ապահովելու համար՝ որտեղ էլ լինի»,- ասել է Լուկաշենկոն:
Նա նշել է, որ Լեռնային Ղարաբաղի հարցում Մինսկի դիրքորոշումը մնում է անփոփոխ, «խնդիրը կարող է լուծվել բացառապես բանակցությունների սեղանի շուրջ՝ միջազգային իրավունքի նորմերին համապատասխան»:
«Լինելով ԵԱՀԿ Մինսկի խմբի անդամ՝ Բելառուսը պատրաստ է անհրաժեշտ աջակցություն ցուցաբերել կողմերին՝ այդ համակամարտությանը խաղաղ լուծում տալու ճանապարհին: Մենք ելնում ենք նրանից, որ մարդկանց համար ավելի մեծ արժեք չկա, քան հայրենի հողում խաղաղությունը և հանգստությունը»,- ասել է Բելառուսի նախագահը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
