Եվրոպայի լիգայի խմբային փուլի «Ֆեյենորդի» հետ խաղից հետո կայացած մամուլի ասուլիսում Ժոզե Մոուրինիոն գովեստի խոսքեր է ասել Հայաստանի հավաքականի եւ «Մանչեսթեր Յունայթեդի» կիսապաշտպան Հենրիխ Մխիթարյանի մասին: «Նա այսպես պետք է խաղա նաեւ պրեմիեր լիգայում, որը սակայն այլ մակարդակ է:
Նա մեկ քայլ էլ անելու անհրաժեշտություն ունի: Այսպիսի խաղը թույլ է տալիս հավատալ, որ Մխիթարյանը մյուս հանդիպմանն էլ հանդես կգա: Մենք գիտենք, թե նրան ինչի համար ենք ձեռք բերել: Գիտենք, որ տեխնիկապես շատ ուժեղ, խաղը լավ կարդացող եւ ինտելիգենտ ֆուտբոլիստ է: Միայն թե, պետք է խաղա ավելի ուժեղ եւ ագրեսիվ: Ես նրա մասին կարող եմ միայն գովեստի խոսքեր ասել, քանի որ նա լավ խաղաց», – հայտարարել է պորտուգալացի մասնագետը լրագրողներին:
Աշոտ ՀԱԿՈԲՅԱՆ
