«Այնքանով, ինչքանով որ բացահայտված է, ես դա գիտեմ»,- 2008թ. Մարտի 1-ին 10 քաղաքացիների սպանության քննության վերաբերյալ ՄԱԿ-ի Խոշտանգումների դեմ կոմիտեի այսօր բարձրացրած հարցին այսպես արձագանքեց ԱԺ ՀՀԿ-ական պատգամավոր Համլետ Հարությունյանը:
Մեր հարցին՝ ինչքանով է բացահայտված «Մարտի 1-ը», պարոն Հարությունյանը պատասխանեց. «Դե Հունանյանների, մնացածների եւ այլն եւ այլն: Բայց ես չգիտեմ, թե իրավապահ մարմինները գտնում են, որ դա բացահայտված է, թե՝ ոչ, ես ինչ կարող եմ ասել»:
Մեր դիտարկմանը, թե «Մարտի 1-ը» շփոթել եք «Հոկտեմբերի 27-ի» հետ, պատգամավորը շարունակեց. «Հա, ախ «Մարտի 1» եք ասում, հա, հա, ես չգիտեմ՝ ինձ համար դժվար հարց է, բացահայտված, չբացահայտված լինելու հանգամանքը: Այո, մեր երկրում կան դժգոհություններ, որ «Մարտի 1-ը» բացահայտված չէ մինչեւ վերջ, բայց բացահայտման հարցը ոչ թե քաղաքական գործիչներին է վերաբերում, այլ՝ օրինապահ մարմիններին»:
Հիշեցնենք, որ ՄԱԿ-ի Խոշտանգումների դեմ կոմիտեն այսօր բարձրացրել է 2008թ. Մարտի 1-ին 10 քաղաքացիների սպանության քննության վերաբերյալ հարցը: Այն բարձրացվել է Ժնևում ՄԱԿ-ի Խոշտանգումների դեմ կոմիտեի այսօրվա նիստում՝ խոշտանգումների դեմ պայքարի կոնվենցիայով Հայաստանի պարտավորությունների կատարման վերաբերյալ իշխանության զեկույցի քննարկման ժամանակ:
Կարդացեք նաև
Արփինե ՍԻՄՈՆՅԱՆ
