ՌԴ նախագահ Վլադիմիր Պուտինը հավանություն է տվել Հայաստանի հետ միացյալ զորախումբ ստեղծելու՝ ՌԴ կառավարության առաջարկին եւ հանձնարարել է ստորագրել այն: Ըստ համաձայնագրի՝ Կովկասյան տարածաշրջանում կոլեկտիվ անվտանգության կողմերից յուրաքանչյուրի անվտանգությունը ապահովելու նպատակով ստեղծվում է երկու երկրների միացյալ զորախումբ, որն ի զորու կլինի համարժեք արձագանքել զինված հարձակմանը, ինչպես նաեւ «կողմերի անվտանգության այլ սպառնալիքներին եւ մարտահրավերներին»: Ո՞ւմ կողմից հնարավոր հարձակումներից է այդ զորախումբը պաշտպանելու, ի՞նչ կարելի է հասկանալ` «կողմերի անվտանգության այլ սպառնալիքներ» ասվածի տակ:
Ջեյմսթաուն» հիմնադրամի հոդվածագիր Արմեն Գրիգորյանը
«Ջեյմսթաուն» հիմնադրամի հոդվածագիր Արմեն Գրիգորյանի համոզմամբ. «Եթե «կողմերի անվտանգության այլ սպառնալիքները» դիտարկենք, ակնհայտ է, որ Ռուսաստանի շահերի եւ Հայաստանի իշխանության համար կա մեկ պոտենցիալ ընդհանուր սպառնալիք` հայաստանյան հասարակությունը, եւ պատահական չէ, որ Ռուսաստանն անընդհատ պահանջում է միջոցներ ձեռնարկել` արեւմտյան կառույցների հետ հարաբերությունների զարգացման կողմնակիցների դեմ: Իսկ Հայաստանը` պետությունը, ոչ թե իշխող վարչախումբը, Ռուսաստանի հետ ընդհանուր սպառնալիք կամ հակառակորդ չունի: ՆԱՏՕ-ն սպառնալիք չի հանդիսանում, եթե, իհարկե, Հայաստանը Մոսկվայի եւ հայաստանյան իշխանությունների քաղաքականության հետեւանքով չներքաշվի թշնամական գործողությունների մեջ: Հայաստանի համար սպառնալիքներ են Ադրբեջանը, որին Ռուսաստանը բնականաբար սպառնալիք չի համարում` զինելով Հայաստանի դեմ, եւ ինքը` Ռուսաստանը»:
«Ջեյմսթաուն» հիմնադրամի հոդվածագիր Արմեն Գրիգորյանի հետ հարցազրույցն ամբողջությամբ կարդացեք նոյեմբերի 23-ի տպագիր «Առավոտ»-ում:
ԷՄՄԱ ԳԱԲՐԻԵԼՅԱՆ
