Կենտրոն եւ Նորք-Մարաշ վարչական շրջանների ընդհանուր իրավասության առաջին ատյանի դատարանում շարունակվում էր Արարատ Խանդոյանի եւ Արման Առաքելյանի գործի քննությունը:
Ինչպես արդեն տեղեկացրել էինք՝ Արարատ Խանդոյանի պաշտպան Արա Ղարագյոզյանը միջնորդություն է ներկայացրել դատարան՝ Խանդոյանի խափանման միջոց կալանքը գրավով փոխելու մասին: Քիչ առաջ դատարանը վերադառնալով խորհրդակցական սենյակից մերժեց միջնորդությունը՝ անհիմն լինելու պատճառով:
Արա Ղարագյոզյանը ներկայացրեց մեկ այլ միջնորդություն, այս անգամ Արման Առաքելյանի խափանման միջոց կալանքը գրավով փոխելու մասին, քանի որ բացակայում են հիմքերը, որով գրավի կիրառումը կբացառվեր: Դատախազ Հայկ Պետրոսյանը առարկեց, նշելով, որ անհիմն է: Դատարանը հեռացավ խորհրդակցական սենյակ:
Ըստ մեղադրական եզրակացության՝ Արարատ Խանդոյանին մեղադրանք է առաջադրվել այն բանի համար, որ նա 2016թ. հուլիսի 20-ին Երեւան քաղաքում տեղի ունեցած հասարակական անվտանգությունը վտանգած բռնությամբ, ջարդելով, գույք ոչնչացնելով եւ վնասելով, արտահայտված զանգվածային անկարգությունների ընթացքում բռնություն է գործադրել ոստիկանության աշխատակիցների նկատմամբ` ձեռքերով եւ ոտքերով հարվածներ է հասցրել իրենց ծառայողական պարտականությունները կատարող, իշխանության ներկայացուցիչ հանդիսացող ոստիկանության աշխատակիցներին, քաշքշել եւ փորձել է խլել ոստիկանության ծառայողի վահանը:
Կարդացեք նաև
Իսկ Արման Առաքելյանին մեղադրանք է առաջադրվել այն բանի համար, որ նա 2016թ. հուլիսի 20-ին Երեւան քաղաքում տեղի ունեցած հասարակական անվտանգությունը վտանգած բռնությամբ, ջարդելով, գույք ոչնչացնելով եւ վնասելով, արտահայտված զանգվածային անկարգությունների ընթացքում բռնություն է գործադրել ոստիկանության աշխատակիցների նկատմամբ` առարկա նետել, ինչպես նաեւ ձեռքերով եւ ոտքերով հարվածներ հասցրել ծառայողական պարտականությունները կատարող, իշխանության ներկայացուցիչ հանդիսացող ոստիկանության աշխատակիցներին:
Ամի ՉԻՉԱԿՅԱՆ
Շինծու կեղծ դատավորներ և քննչական կոմիտեյի պատկան մարմիններ, որ սուտ ու կեղծ մեղադրանքներ եք ներկայացրել օդից, դուք արդեն ծախված եք ու ստորանում եք ինչ-որ ռեժիմի հրամաններին, ձեր վիճակը շաաատ վատ է, դուք խելք ու խիղճ չունեք, ձեզ ոնց հրում են ստրուկաբար կատարում եք, ամոթ է, գոն է տղամարդ եղեք, ունեցեք ձեր արժանապատվությունը.., որքան եք ցածրացել, ամբողջ մի հայ ազգի այրուն ղմեցիք վամիռների նման, դուք և ռեժիմը խայտառակն է մեր հայ ազգի, ձեր ռեժիմներով սպանդի վերածեցիք հայ ազգին, հազար ամոթ, անհոգի, անմարդկայիններ… Պատասխան եք տալու այս ամենի համար, ձեր կյանքը հաշված օրեր են մնացել, միքիչ էլ թպրտացեք…