«Մոդուս վիվենդի» կենտրոնի հիմնադիր, պատմաբան, դիվանագետ Արա Պապյանը չի կարծում, որ Հայաստանի իշխանության դիրքորոշման մեջ արդեն փոփոխություն է տեղի ունեցել եւ նրանք պատրաստ են Ցեղասպանության համար Թուրքիայի առջեւ հատուցման հարց բարձրացնել:
ՀՀ ԳԱԱ-ում այսօր մեկնարկած «Հայոց ցեղասպանությունը եւ հատուցման հիմնախնդիրը» միջազգային գիտաժողովի ժամանակ, Aravot.am-ի հետ զրույցում պարոն Պապյանը հիշեցրեց, որ 1915 թվականի հունվարի Համահայկական հանձնախումբը ևս հանդես եկավ, որտեղ նույնպես հատուցման հարցեր էին բարձրացվում: «Այլ հարց, որ այսօր արդեն մենք պետք է հսկայական աշխատանք կատարած լինեինք, մինչդեռ ճանապարհի սկզբին ենք: Այս գիտաժողովը ես չէի ընկալի որպես պետության դիրքորոշում: Ակադեմիան, այնուհանդերձ, գիտական հաստատություն է»,- ասաց մեր զրուցակիցը` հավելելով ու կարեւորելով, որ գիտաժողովը տեղի է ունենում այսօր`Վուդրո Վիլսոնի իրավարար վճռի օրը:
Հայ-թուրքական արձանագրությունների ֆոնին միամիտ չէ՞ խոսել հատուցման խնդիրների մասին՝ մեր հարցին Արա Պապյանը պատասխանեց, որ այդ արձանագրությունների գոյությունը բարդացնում է մեր հետագա քայլերը, բայց դրանք վավերացված չեն, ընդամենը նախաստորագրված են: Արա Պապյանը հիշեցնում է նախագահ Սերժ Սարգսյանի այն հայտարարությունը, որ ողջամիտ ժամկետներում ետ կկանչի Հայաստանի ստորագրությունն այդ փաստաթղթից ու հիշեցնում, որ բոլոր ողջամիտ ժամկետները վաղուց սպառված են:
Մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
