Անգլիական ՄՅՈՒ-ն եւ մարզական հագուստ արտադրող «Adidas» ընկերությունը «Բարսելոնայի» հարձակվող Լիոնել Մեսսիին 100 մլն. եւրո են առաջարկել իր ակումբի հետ պայմանագիրը չերկարացնելու դիմաց, պնդում է «Marketing Deportivo» հրատարակությունը: Այդպես, անգլիական ակումբը ստիպված չի լինի կատալոնյան ակումբին Մեսսիի համար 250 մլն եվրո հրաժարագին վճարել, ինչը նախատեսված է պայմանագրով, եթե ֆուտբոլիստը այլ ակումբ տեղափոխվի:
Եթե Մեսսին մինչեւ 2018 թվականի հունիսի 30-ը (այդ ժամանակ է լրանում պայմանագրի ժամկետը) այն չերկարացնի, ապա կդառնա ազատ գործակալ եւ կարող է տեղափոխվել ցանկացած ակումբ առանց կատալոնցիների փոխհատուցման:
Հրատարակության ունեցած տեղեկություններով, «Adidas»-ում անհանգստացած են ՄՅՈՒ-ին հովանավորելու անհաջող գործընթացից, ուստի որոշել են ակումբին աջակցել Լիոնել Մեսսիին ձեռք բերելով: Ընդ որում, Մեսսիին խոստացվող 100 միլիոն եւրոն որպես բոնուս կարող է վճարվել գերմանական ընկերության հետ գովազդային պայմանագրի շրջանակներում:
Լրատվամիջոցները տեղեկացնում են, որ «Բարսելոնան» ի վիճակի չէ Մեսսիին արժանապատիվ առաջարկ անել ֆինանսական խնդիրների պատճառով:
Կարդացեք նաև
Աշոտ ՀԱԿՈԲՅԱՆ
Լուսանկարը՝ The Sun-ի
