Ինչպես հայտնի է, ՌԴ նախագահ Վլադիմիր Պուտինը հավանություն է տվել Հայաստանի հետ միացյալ զորախումբ ստեղծելու՝ ՌԴ կառավարության առաջարկին եւ հանձնարարել է ստորագրել այն: Ըստ համաձայնագրի՝ Կովկասյան տարածաշրջանում կոլեկտիվ անվտանգության կողմերից յուրաքանչյուրի անվտանգությունը ապահովելու նպատակով ստեղծվում է երկու երկրների միացյալ զորախումբ, որն ի զորու կլինի համարժեք արձագանքել զինված հարձակմանը, ինչպես նաեւ «կողմերի անվտանգության այլ սպառնալիքներին եւ մարտահրավերներին», սակայն այն ուղղված չի լինի որեւէ երրորդ պետության դեմ:
Անդրադառնալով միացյալ զորախումբ ստեղծելու գաղափարին` «Քաղաքացիական գիտակցություն» ՀԿ նախագահ Նարեկ Սամսոնյանն այն` «ամբողջությամբ հակապետական» որակեց. «Մեր՝ առանց այդ էլ խաթարված ինքնիշխանությունը վերջնական վերացնելուն ուղղված քայլ է եւ որեւէ պարագայում չի կարող բխել ՀՀ պետական շահերից»:
Քաղաքացիական գիտակցություն» ՀԿ նախագահ Նարեկ Սամսոնյանը
Նրա գնահատմամբ` «Այդ «համատեղ զորախումբը» ստեղծվում է մեր երկրում «ռուսական շահերին հակասող սպառնալիքները» ժամանակին եւ արդյունավետ կերպով չեզոքացնելու եւ հայկական ԶՈւ-ի նկատմամբ ունեցած վերահսկողությունն ավելացնելու նպատակով: Այստեղ ամենացավալին այն է, որ տվյալ օրինագիծն ԱԺ մտնելու պարագայում արժանանալու է հայ պատգամավորների գրեթե միանձնյա համաձայնությանը, ինչպես եղել է մնացած դեպքերում»:
«Քաղաքացիական գիտակցություն» ՀԿ նախագահ Նարեկ Սամսոնյանի հետ հարցազրույցն ամբողջությամբ կարդացեք նոյեմբերի 22-ի տպագիր «Առավոտ»-ում:
Կարդացեք նաև
ԷՄՄԱ ԳԱԲՐԻԵԼՅԱՆ
