Թուրքագետ, արեւելագետ Ռուբեն Սաֆրաստյանը կարծում է, որ Դոնալդ Թրամփի՝ ԱՄՆ նախագահ ընտրվելը դրական ազդեցություն կունենա ԱՄՆ-ի մերձավորարեւելյան քաղաքականության վրա, մասնավորապես՝ Սիրիայում Ռուսաստանի եւ ԱՄՆ-ի միջեւ ռազմական բախման վտանգը կնվազի: «Ռուս-ամերիկյան վերջին շրջանի հարաբերությունները մտավախություն էին առաջացնում, որ կարող է ռազմական բախում տեղի ունենալ: Քանի որ Թրամփը հայտարարեց, որ Ռուսաստանի հետ «պրագմատիկ» քաղաքականության կողմնակից է, ռազմական բախումների վտանգը թուլանում է»,-այսօր «Փաստարկ» մամուլի ակումբում ասաց Ռուբեն Սաֆրաստյանը:
Նրա խոսքով՝ ԱՄՆ արտաքին քաղաքականությունն այսուհետեւ կհիմնվի ոչ թե հռետորաբանության վրա, ինչը նկատելի էր Օբամայի օրոք, այլ հաշվի կառնի տարբեր տարածաշրջաններում առկա իրողությունները: Ըստ թուրքագետի, ԱՄՆ-ն ավելի վճռական պայքար կմղի իսլամական ծայրահեղության դեմ:
«ԱՄՆ նախագահ դարձավ մի մարդ, որն անցել է բիզնեսի հագեցած ճանապարհ: Դա նրան պետք է սովորեցներ լինել շատ հաշվենկատ, հաշվի առնել նաեւ թշնամիների շահերը»,-հավելեց բանախոսը:
Կարդացեք նաև
Լուիզա ՍՈՒՔԻԱՍՅԱՆ
