Երեւանի «Աշխատանք» մարզադահլիճում երեկ մեկնարկեց կիոկուշին կարատեի Հայաստանի բաց առաջնությունը, որին մասնակցում են նաեւ Իրանի, Վրաստանի, Լիբանանի, Ռուսաստանի եւ Արցախի շուրջ 500 մարզիկներ:
Կիոկուշին կարատեի Հայաստանի ֆեդերացիայի նախագահ Անդրանիկ Հակոբյանն Aravot.am-ին տեղեկացրեց, որ ֆեդերացիան առաջնության հայաստանցի հաղթողներին եկող տարի իր միջոցներով եւ հովանավորների աջակցությամբ կմասնակցեն միջազգային մրցաշարերի:
Առաջնությունն անցկացվում է երկու տարիքային խմբերում՝ 8-15 եւ 15-ից բարձր, երկու ձեւում՝ կումիտե եւ կատա: Անդրանիկ Հակոբյանը հիշեցրեց, որ Հայաստանի մարզիկները վերջերս Վրաստանում անցկացված Կովկասի առաջնությունում նվաճել են 6 առաջին, 3 երկրորդ եւ 10 երրորդ տեղ, որոնցից շատերը տպավորիչ հաղթանակներ են տարել ադրբեջանցի մրցակիցների նկատմամբ: «Ես այս հանգամանքը կարեւորում եմ ավելի շատ այն նկատառումով, որ մեր այս մարզիկները մեր ապագա զինվորներն են ու երկրի ապագան ու Հայոց բանակ գնալու են հաղթողի հոգեբանությամբ:
Կարդացեք նաև
Իսկ մեր ֆեդերացիան, որն ի տարբերություն մեր հյուրերի եւ տարածաշրջանի մյուս երկրների չունի պետական աջակցություն, նրանց, հեծանիվներ, իսկ հավաքականի մյուս անդամներին ու մարզիչներին մարզահագուստի ամբողջական հավաքածուներ նվիրեց: Մեր ֆեդերացիան կարեւորում է ոչ միայն միջազգային ասպարեզներում Հայաստանի դրոշը բարձր պահելը ( ֆեդերացիայի սաները 11 տարվա ընթացքում աշխարհի, Եվրոպայի առաջնություններում եւ միջազգային մրցաշարերում նվաճել են 111 ոսկե, 90-ից ավելի արծաթե եւ բրոնզե մեդալ), այլեւ երկրի համար առողջ ու մարտունակ երիտասարդություն դաստիարակելը:
Օրինակ, իմ տեղեկություններով, Ադրբեջանը Թայլանդում մեր մարզաձեւի իր բազաներն ունի: Ճշգրիտ չգիտեմ՝ գնել են, թե այլ հիմունքներով են ձեռք բերել, բայց այնտեղի մարզիչների ղեկավարությամբ մարզվում են միայն ադրբեջանցիները: Դրանք հիմա գուցե մարզական արդյունքներ արձանագրելու համար են, բայց հետագայում կարող են չէ՞ այլ նպատակների ծառայեցնել: Բայց վստահ եմ, որ մեր ուժերով ու հնարավորություններով մեր դիրքերը չենք զիջելու:
Աշոտ ՀԱԿՈԲՅԱՆ
