Եգիպտոսի խորհրդարանը պատրաստվում է օրակարգ մտցնել Օսմանյան կայսրությունում իրականացված Հայոց ցեղասպանությունը դատապարտող բանաձև, գրում է «Ասպարեզը»:
Եգիպտոսում Հայ դատի հանձնախմբի ղեկավար Արմեն Մազլումյանը հայտնել է, որ այդ մասին հայտարարել է Եգիպտոսի խորհրդարանի պատգամավոր Մուստաֆա Բաքրին եվրոպական պատվիրակության հետ հանդիպմանը:
«Մուստաֆա Բաքրին պատվիրակության անդամներին ներկայացրել է Եգիպտոսի խորհրդարանի դիրքորոշումը Հայոց ցեղասպանության հարցում՝ հաստատելով, որ իրենք պատրաստվում են Թուրքիայում իրականացված ջարդերը դատապարտող բանաձևը դնել քվեարկության: Նա հաստատել է, որ դա «ամոթի հետք» է Թուրքիայի համար, և մյուս բոլոր կառավարություններն էլ պետք է դատապարտեն այդ անմարդկային ջարդը»,- ասել է Մազլումյանը:
Բաքրին տեղեկացրել է, խորհրդարանում նախաձեռնված ստորագրահավաքին արդեն միացել է 337 պատգամավոր և վստահություն է հայտնել, որ քվեարկությունը կավարտվի հօգուտ բանաձևի: Եգիպտացի խորհրդարանականը նաև դատապարտել է արաբական երկրների դիրքորոշումը Հայոց ցեղասպանության հարցում՝ ընդգծելով, որ մինչ այժմ միայն Լիբանանն է այն ճանաչել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
