ՀՀ տրանսպորտի, կապի և տեղեկատվական տեխնոլոգիաների նախարարությունում այսօր տեղի ունեցավ լիցենզավորման հանձնաժողովի հերթական նիստը: Նիստի ընթացքում քննարկվեցին անհատ ձեռնարկատերերի, կազմակերպությունների և ֆիզիկական անձանց կողմից մարդատար-տաքսի ավտոմոբիլներով ուղևորափոխադրումների կազմակերպման լիցենզիա և լիցենզիայի ներդիրներ տրամադրելու եւ մի շարք լիցենզիաների ներդիրներն ուժը կորցրած ճանաչելու, ինչպես նաև փոստային կապի գործունեության լիցենզիա և լիցենզիայի ներդիրներ տրամադրելու համար ներկայացված հայտերը:
Հանձնաժողովի պատասխանատու քարտուղար Արայիկ Ստեփանյանն ասաց՝ ստացել են մեկ հայտ անհատ ձեռնարկատեր Մերուժան Խաչատրյանի կողմից, որը նախարարությունից ստացել է համապատասխան լիցենզիան ու այս պահին իր տաքսիների պարկը համալրում է եւս մեկ տաքսի մեքենայով, ինչի պահանջները բավարարում են հանձնաժողովի պահանջներին:
Հանձնաժողովի անդամները կողմ քվեարկեցին Մերուժան Խաչատրյանին լիցենզիայի մեկ ներդիր տրամադրելու համար, ինչպես նաեւ մարդատար մեքենաներով ուղեւորափոխադրումներ իրականացնելու լիցենզիա ստացան թվով 26 ֆիզիկական անձինք:
Կարդացեք նաև
Նոր լիցենզիայի ներդիր ստացավ նաեւ անհատ ձեռնարկատեր Ռոմիկ Միրզոյանը, եւ թվով 38 Ֆիզիկական անձանց կողմից մարդատար ավտոմոբիլներով ուղեւորափոխադրումների իրականացման լիցենզիան ուժը կորցրած ճանաչվեց:
Արփինե ՍԻՄՈՆՅԱՆ
