Երևանի Կենտրոն եւ Նորք-Մարաշ վարչական շրջանների ընդհանուր իրավասության դատարանում այսօր շարունակվեց հուլիսի 20-ին Խորենացի փողոցում ոստիկանների և քաղաքացիների միջև բախման հետևանքով կալանավորված Ալբերտ Ավագյանի, Հայկ Հովհաննիսյանի, Նարեկ Սարգսյանի և Արման Մխիթարյանի գործերի քննությունը: Նրանք մեղադրվում են ՊՊԾ գնդի գրավմանը հաջորդած բողոքի ցույցերի ընթացքում ոստիկանների հանդեպ բռնություն գործադրելու համար:
Ամբաստանյալներից Հայկ Հովհաննիսյանը դատավորին տեղեկացրեց, որ ուսանող է, ամուսնացած չէ: Նարեկ Սարգսյանն էլ ամուսնացած է, ունի մեկ երեխա: Ալբերտ Ավագյանը նշեց, որ կահույքագործ է, առողջական որոշակի խնդիրներ ունի:
25-ամյա Արման Մխիթարյանը եւս նշեց, որ առողջական խնդիրներ ունի: Դատավորը հետաքրքրվեց, թե մասնավորապես՝ ինչպիսի՞: «Սիրտս է ահավոր ծակում եւ մեջքս է ցավում: Նոր է եղել»: Մխիթարյանն ասաց, որ դիմել է կալանավայրի բուժմաս. «Կպել են մեջքիս՝ ասել են՝ նորմալ է»: Նաեւ տեղեկացրեց, որ նախկինում դատապարտված է եղել գողություն կատարելու համար:
Կարդացեք նաև
Հավելենք, որ այս գործով տուժող է ճանաչվել 46 ոստիկան, նրանցից դատարան էին ներկայացել 15-ը:
Նիստի այլ մանրամասները՝ քիչ ուշ:
Լուիզա ՍՈՒՔԻԱՍՅԱՆ
