ԵԱՀԿ Մինսկի խմբի ամերիկացի նախկին համանախագահ, Ադրբեջանում ԱՄՆ նախկին դեսպան Մեթյու Բրայզան մեկնաբանել է Հավաքական անվտանգության կովկասյան տարածաշրջանում Հայաստանի և Ռուսաստանի զորքերի միավորված խմբավորում ստեղծելու մասին տեղեկությունը:
Ինչպես հաղորդում է ԱՊԱ-ն, Բրայզան ասել է, որ չի հասկանում՝ ինչպես կարող է Ռուսաստանը, լինելով ԵԱՀԿ Մինսկի խմբի համանախագահ երկիր, նման քայլի դիմել:
Նրա խոսքով՝ եթե Ռուսաստանի նախագահ Վլադիմիր Պուտինը ցանկանում է ապացուցել, որ Ռուսաստանը Լեռնային Ղարաբաղի հակամարտության կարգավորման հարցում հիմնական դերակատարն է, ապա նա չպետք է նման քայլի դիմեր:
Բրայզան նաև նշել է, որ հակամարտության երկու կողմերը՝ Հայաստանն ու Ադրբեջանը, պետք է վերադառնան բանակցությունների սեղանի շուրջ:
Կարդացեք նաև
Հիշեցնենք, ավելի վաղ հաղորդվում էր, որ զորքերի միացյալ խմբավորման նպատակն է ապահովել Կովկասյան տարածաշրջանում կողմերի անվտանգությունը:
Բացի այդ, Հայաստանն ու Ռուսաստանը պատրաստվում են նաև համատեղ ՀՕՊ համակարգեր ստեղծել Հավաքական անվտանգության կովկասյան տարածաշրջանում, որի վերաբերյալ համաձայնագիրը ստորագրվել էր 2015թ. դեկտեմբերի 23-ին: Երեկ հայտնի դարձավ, որ Ռուսաստանի պետդումայի պրոֆիլային կոմիտեն հավանություն է տվել միացյալ ՀՕՊ-ի համաձայնագրին:
Պատրաստեց՝Վիկտորյա ԱՆԴՐԵԱՍՅԱՆԸ
Г. Брайза! А этот вопрос интересует лично Вас, или лично Вашей жене турчанке???!!!