ՀՀ Վերաքննիչ քրեական դատարանում Ավետիսյանների ընտանիքի սպանության գործով Շիրակի մարզի ընդհանուր իրավասության դատարանի՝ 2016 թ. օգոստոսի 23-ի վճռի դեմ ներկայացված վերաքննիչ բողոքի քննության ժամանակ միջնորդություն ներկայացվեց:
Տուժողի իրավահաջորդի ներկայացուցիչ Արթուր Սաքունցը ներկայացրեց գործով մեղադրող Գեւորգ Գեւորգյանի բացարկի վերաբերյալ միջնորդություն՝ պնդելով, որ վերջինս ոչ հետեւողական դիրքորոշում է դրսեւորել՝ տուժողների իրավահաջորդների շահերը ներկայացնելու տեսանկյունից:
«Մինչեւ հիմա չգիտենք՝ նա դիմե՞լ է ռուսական կողմին՝ Վալերի Պերմյակովին հայկական կողմին հանձնելու պահանջով»,-ասաց Արթուր Սաքունցը:
Կարդացեք նաև
Գործով երեք դատավորները քննարկելով միջնորդությունը՝ որոշեցին այն մերժել, քանի որ միջնորդությունը չի բխում քրեական դատարավարության օրենսգրքի համապատասխան պահանջներից: Նիստը շարունակվում է:
Լուիզա ՍՈՒՔԻԱՍՅԱՆ
