Գերագույն խորհրդի նախկին պատգամավոր Ազատ Արշակյանի համոզմամբ, Ռուսաստանի եւ Հայաստանի զորքի միասնական խմբավորման մասին Սերժ Սարգսյանի վերջին հայտնի հարցազրույցից հետո ՀՀ նախագահին մնում է հայտարարել՝ Հայաստանը ռուս-ադրբեջանական համագործակցության զոհն է:
«Մնում է՝ Սերժ Սարգսյանն ասի, որ Ռուսաստանը Ադրբեջանի անվտանգության երաշխավորն է»,- այսօր «Հենարան» ակումբում նման կարծիք հայտնեց պարոն Արշակյանը:
Ըստ նրա, վերջին շրջանում անընդհատ խոսվում է հայ-ադրբեջանական հակամարտության եւ ոչ թե դրա պատճառի մասին. «Իսկ պատճառը երկու գերհզոր պետությունների՝ Թուրքիայի եւ Ռուսաստանի ապօրինի դաշինքն է»:
Ռուս հեռուստամեկնաբան Դմիտրի Կիսելյովին տված հարցազրույցում պարոն
Կարդացեք նաև
Արշակյանն ահազանգ է տեսնում այն մասին, որ մեր անվտանգությունն ապահովող Հայաստանի ռեսուրսները սպառվել են, իսկ միասնական զորքի խմբավորման ստեղծումն էլ վկայում է՝ նոր ուժեր են պետք:
Աստվածաբան Վարդան Խաչատրյանն էլ շարունակեց, թե այս պահին պատերազմի վտանգ չկա: Ըստ նրա՝ տարածքների հանձնման մասին խոսակցություններից առաջ էլ հարկ է փախստականներին հարցնել՝ իրենք ինչ են ուզում. «Ինչու այդ մարդկանց չեն հարցնում, թե նրանք ինչ են ուզում, ինչու նրանք չեն ներգրավվում բանակցությունների մեջ: Չէ՞ որ նրանք Ադրբեջանի քաղաքացիներն են»:
ԱԱԾ նախկին պետի տեղակալ Գուրգեն Եղիազարյանն էլ հիշեց «Հայաստանն ահաբեկիչ է» Ադրբեջանի նախագահ Ալիեւի որակումը, նկատեց, որ այդ հայտարարությանը հայկական կողմից կրկին պատշաճ պատասխան չեղավ.
«Հայաստանում, եթե մեկը համարձակվում է կարմիր գծերի դեմ խոսել, ոմանք այնպիսի էներգիայով, պաթոսով են պաշտպանում իրենց տերերին: Եթե նման էներգիան ներդնեին միջազգային կառույցներում պատմական ճշմարտությունը վեր հանելու համար, ապա Ալիևը այսօր նման պիտակ չէր կպցնի Արցախին ու Հայաստանին»:
Արփինե ՍԻՄՈՆՅԱՆ
