ՀՀ Վերաքննիչ քրեական դատարանում այսօր շարունակվում է Ավետիսյանների ընտանիքի սպանության գործով Շիրակի մարզի ընդհանուր իրավասության դատարանի՝ 2016 թ. օգոստոսի 23-ի վճռի դեմ ներկայացված վերաքննիչ բողոքի քննությունը:
Վալերի Պերմյակովի պաշտպան Էդուարդ Աղաջանյանը դատարանին տեղեկացրեց, որ օրերս տեսակցել է իր պաշտպանյալին: Պերմյակովը հայտնել է, որ հետ է վերցնում պաշտպանի ներկայացրած նշյալ բողոքը եւ չի ցանկանում անձամբ մասնակցել դատաքննությանը՝ անկախ նրանից, թե որտեղ այն տեղի կունենա:
Դատարանին ուղղված նրա նամակում ասվում է, որ ինքը բողոքի քննությունը թողնում է դատարանի հայեցողությանը. «Ես չեմ ցանկանում բողոքարկել Շիրակի մարզի դատարանի դատավճիռը, այն օրինական է եւ արդարացի: Ինձ մեղավոր եմ ճանաչում եւ գործել եմ միայնակ»:
Կարդացեք նաև
Հավելենք, որ դատարանն իր հերթին գրություն էր ուղարկել ռուսական զորամասին՝ խնդրելով ապահովել Վալերի Պերմյակովի ներկայությունը: Բողոքի քննությունը շարունակվում է:
Լուիզա ՍՈՒՔԻԱՍՅԱՆ
