Ռուս-հայկական զորախումբը վաղուց է ստեղծված, զորախմբի հրամանատարն է գեներալ-մայոր Անդրանիկ Մակարյանը, որի նշանակման հարցը վաղօրոք քննարկվել է, իսկ Վլադիմիր Պուտինը պարզապես ստորագրել է համապատասխան փաստաթուղթը՝ հարցը բերելով իրավաբանական դաշտ: Aravot.am-ի հետ զրույցում ռուս-հայկական համատեղ զորախմբի մասին այսպիսի մանրամասներ հայտնեց ՀՀ պաշտպանության նախարարի մամուլի խոսնակ Արծրուն Հովհաննիսյանը:
«Զորախմբի կազմում մտնում է ռուսական 102-րդ ռազմաբազան, հայկական որոշակի ստորաբաժանումներ, կառավարումն իրականացնում է Անդրանիկ Մակարյանը: Զորախումբը Х թատերաբեմի կիրառության համար է ու ուղիղ առնչություն չունի ՀԱՊԿ-ի հետ գործակցության հետ»,-մեզ հետ զրույցում ասաց Արծրուն Հովհաննիսյանը:
Նա տեղեկացրեց, որ ՀՀ-ի կամ Ռուսաստանի հանդեպ ագրեսիայի դեպքում զորախմբի գործունեությունն իրականացվելու է հայկական հրամանատարության կողմից, իսկ ռուսական ռազմաբազան որոշակի հարցերում գործելու է ռուսական հրամանատարության ներքո:
Կարդացեք նաև
Լուիզա ՍՈՒՔԻԱՍՅԱՆ
