Հայաստանը դեմ է քվեարկել Ղրիմի վերաբերյալ բանաձևի ուկրաինական նախագծին, որն ընդունվել էր ՄԱԿ-ի Գլխավոր վեհաժողովի՝ սոցիալական, հումանիտար և մշակութային հարցերով երրորդ կոմիտեի կողմից, հաղորդում է «Նովոստի Արմենիան»:
Փաստաթուղթը, որում կոչ էր արվում թերակղզում մարդու իրավունքների ոլորտի միջազգային մոնիթորինգ անցկացնել, կքննարկվի Գլխավոր վեհաժողովում:
Քվեարկությանը մասնակցել են ՄԱԿ անդամ ոչ բոլոր երկրները: Նախագծին հավանություն է տվել 73 երկիր, դեմ են քվեարկել 23-ը, ևս 76-ը ձեռնպահ են մնացել: Մասնավորապես, կողմ քվեարկել են ԱՄՆ-ը և եվրոպական երկրների մեծ մասը, դեմ՝ Ռուսաստանը, Հայաստանը, Չինաստանը, Սերբիան, Կուբան, Ղազախստանը և այլ երկրներ:
Գործակալությունը գրում է, որ Հայաստանի ԱԳՆ-ն խոստացել է համապատասխան հայտարարություն տարածել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
