«Մեծամասնությունն ասում է, որ գաղափարը լավն է, բայց մեխանիզմները չեն բավարարում: Հակասություն չեմ տեսնում»,-բանակի համար 1000 դրամ գանձելու աղմկոտ օրինագծի մասին այսպիսի կարծիք ունի Թումանյանի անվան տիկնիկային թատրոնի տնօրեն Ռուբեն Բաբայանը:
«Կոռուպցիան վերանում է կոռուպցիոներներին հայտնաբերելով եւ պատժելով: Իրականում կոռուպցիան չի պակասում: Օրինակ՝ պետական գնումները ոտքից գլուխ կոռուպցիայի մեջ են»,-«Հոդված 3» մամուլի ակումբում այսօր խոսելով օրինագծի կոռուպցիոն ռիսկերից՝ ասաց նա:
«Եթե առաջ ենք բերում ազգ-բանակ հասկացողությունը, այն կարող է իրականանալ միայն կամավոր սկզբունքով: Կամավոր նշանակում է՝ ես դառնում եմ այս երկրի տերը: Այդ խնդիրը կարող է յուրաքանչյուրիս դուռը չոքել՝ ամեն օր»,-նշեց Ռուբեն Բաբայանը:
Ըստ նրա՝ այս օրինագիծը ցույց է տալիս, որ իշխանությունը չի վստահում հասարակությանը. «Կարծում եմ՝ այդ պատճառով է դրվել պարտադիր գանձելու պայմանը»:
Կարդացեք նաև
Լուիզա ՍՈՒՔԻԱՍՅԱՆ
