«Այս պահին դեռ չկա սակագնի չափը, այդ պատճառով հստակ բան ասել չեմ կարող: Բայց ինչքան էլ որ պակասի`օգուտ է տնտեսությանը եւ ժողովրդին»,- Aravot.am-ի հարցին ի պատասխան ասաց «Կիլիկիա» գարեջրի գործարանի սեփականատեր Հակոբ Հակոբյանը: Հարցն այն մասին էր, որ հավանաբար դեկտեմբերի 1-ից կունենանք գազի սակագնի նվազում, իսկ հունվարի 1-ից`նաեւ էլեկտրաէներգիայի սակագնի: Ընդ որում, արտադրող հիմնարկ-ձեռնարկությունների համար առանձին սակագներ են նախատեսված:
Հիշեցնենք, գազի գնի նվազեցման մասին վարչապետ Կարեն Կարապետյանը խոսել էր ավելի վաղ`կառավարության նիստում`զարմանք արտահայտելով սահմանից-սպառվող շղթայում կորուստների, ձեւավորվող սակագնի շուրջ: Ի դեպ, դեռ մեկ տարի առաջ խորհրդարանական «գազի» հանձնաժողովի ընդդիմադիր անդամները հստակ հաշվարկներ էին ներկայացրել`սակագների նվազեցման հնարավորությունների, անգամ չափի մասին: Այդ հաշվարկներով նախատեսվում էր ավելի նվազում, քան այժմ է ենթադրվում: Մեր զրուցակիցն այս ամենի մասին չի խոսում:
Թե ինչո՞ւ նախորդ կառավարությունները չէին գնում այս քայլին`Հակոբ Հակոբյանը չի ցանկանում խոսել: Հորդորում է`հարցն ուղղել նախորդ վարչապետներին: Ի դեպ, նախորդ վարչապետներին նա չի փնովում: Իսկ նոր վարչապետի հետ հույսեր կապում է`անգամ իր սեփականություն հանդիսացող ընկերությանն, ինչպես ինքն է պնդում, անօրինական կերպով տուգանելուց հետո: Համենայնդեպս, քաղաքական ենթատեքստ չի տեսնում այդ ամենում:
Մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ
