«Կիլիկիա» գարեջրի գործարանի սեփականատեր, ԱԺ պատգամավոր Հակոբ Հակոբյանը վրդովված է Տնտեսական մրցակցության պաշտպանության պետական հանձնաժողովի երեկ կայացրած որոշումից: Հիշեցնենք, գործարանը երեկ տուգանվել է 110 միլիոն դրամով`օգտագործելով շուկայի գերիշխող դիրքը`արտադրանքի գինը բարձրացնելու եւ գերշահույթ ստանալու պատճառաբանությամբ:
Գործարանի սեփականատեր, ԱԺ պատգամավոր Հակոբ Հակոբյանը վրդովված է, քանզի ՏՄՊՊՀ-ն գործարանի տնօրինությանը չի ծանուցել սույն նիստի մասին, եւ իր բնորոշմամբ`«գաղտագողի» որոշում է կայացրել:
Խորհրդարանում լրագրողների հետ զրույցում Հակոբ Հակոբյանն ասաց, որ իր սեփականությունը հանդիսացող գործարանն աշխատում է օրենքի շրջանակներում եւ ինքը նման տուգանքի համար որեւէ պատճառ չի տեսնում: Գործարանն աշխատել է 5 տոկոս շահութաբերությամբ, իսկ գների բարձրացումից հետո շահութաբերությունը կազմել է 12,5 տոկոս: Հակոբ Հակոբյանը պնդում է, որ 12,5 տոկոս շահութաբերությունը գերշահույթ չէ:
Գործարանի տնօրինությունը ՏՄՊՊՀ-ի որոշումը կվիճարկի դատարանում: Ինքը`Հակոբ Հակոբյանը, կարծում է, որ այս որոշմամբ հանձնաժողովի նախագահ Արտակ Շաբոյանն իր հեղինակությունն է ցանկանում բարձրացնել:
Կարդացեք նաև
Ի դեպ, սա գործարանին խոշոր տուգանքի երրորդ դեպքն է:
Մանրամասները` տեսանյութում
Նելլի ԳՐԻԳՈՐՅԱՆ
Լուսանկարը՝ ArmLur.am-ից
