Այս պահին ԱԺ նիստում 2017-ի բյուջեի նախագծի քննարկումն է: ԱԺ նախագահ Գալուստ Սահակյանը նայելով դահլիճում կառավարության դատարկ աթոռներին՝ նկատողություն արեց կառավարությանը. «Այս տարիների ընթացքում առաջին անգամ եմ տեսնում, որ բյուջե ենք քննարկում եւ կառավարությունը այստեղ չի: Էսպիսի բա՞ն: Զարմանալի պատմություն է»:
Վարդան Այվազյանը տեղից խորհուրդ տվեց. «Հետաձգե՛ք, պարոն Սահակյան»:
Գալուստ Սահակյանն էլ պատասխանեց. «Պարոն Սահակյանը գիտի ինչն է հետաձգում, երբ է հետաձգում եւ ինչի համար է հետաձգում»:
Գալուստ Սահակյանը ձայնը տվեց ֆինանսների նախարար Վարդան Արամյանին: Նա ներողություն խնդրեց կառավարության անդամների փոխարեն՝ ասելով, որ «իմ գործընկերները ճանապարհին են, անպայման ներկա կգտնվեն այս կարեւոր փաստաթղթի քննարկմանը»:
Կարդացեք նաև
Նա հորդորեց սա չընդունել որպես անհարգալից վերաբերմունք՝ ԱԺ-ի նկատմամբ»:
Հիշեցնենք, որ վարչապետ Կարեն Կարապետյանը գործուղման է, իսկ կառավարության մյուս անդամներն անհայտ պատճառներով չեն եկել ԱԺ:
Հռիփսիմե ՋԵԲԵՋՅԱՆ
