Կենսունակ երիտասարդութիւն. «Ասպարեզ»

Անցեալ շաբթուան ընթացքին, անգամ մը եւս ականատես եղանք մեր երիտասարդութեան կենսունակութեան:

Արդարեւ, Հայ Երիտասարդաց Դաշնակցութեան եւ ՀՅԴ «Շանթ» ուսանողական միութեան անդամներ, անցեալ շաբթուան ընթացքին, իրենց տարեկից հայ ուսանողներու եւ երիտասարդներու հետ միասին, յաջողեցան տապալել, ձախողեցնել համալսարանական բեմերը օգտագործելու միջոցով՝ թրքական մերժելի ազգայնականութիւն քարոզող դասախօսութիւններ:

Պէտք է անդրադառնալ, սակայն, որ երիտասարդական այս կազմակերպութեան կենսունակութեան ապացոյցները չեն սահմանափակուիր հրապարակային, ցուցական ձեռնարկներով: Այս տղաքն ու աղջիկները մրջիւնի աշխատանք կը տանին ամբողջ տարուան ընթացքին՝ մեր ազգային կեանքի կարեւորագոյն օղակներէն մէկը հանդիսանալով:

Հայ Երիտասարդաց Դաշնակցութեան պայծառ դէմքը կը տեսնենք՝
Մեր կեդրոններէն ներս ազգային դաստիարակչական աշխատանքներու ընդմէջէն,
Համալսարաններէն ներս հայութեան ու հայոց պետականութեան շահերու պաշտպան՝ արթուն պահակի իրենց դրսեւորումներով,

Պահանջատիրական պայքարի բոլոր ճակատներուն վրայ մի՛շտ առաջին գիծի դիրքերը գրաւած,

Իրենց սեփական, Լոս Անճելըսի անտառներուն մէջ գտնուող ՀԵԴ ճամբարի ամառնային բազմաշաբաթեայ դաստիարակչական, հետաքրքրական, ընկերային ծրագիրներու բծախնդիր գործադրումով,

Հայաստանի, Արցախի ու Ջաւախքի պատանիներուն ամառնային բանակումներ կազմակերպելու նախաձեռնութիւններով,

ԱԲՕ ՊՈՂԻԿԵԱՆ

Նյութի մանրամասները կարդացեք «Ասպարեզ»-ի կայքում