Լեռնային Ղարաբաղն ականազերծ կհայտարարվի երեքից չորս տարի անց. (Տեսանյութ). «Ամերիկայի Ձայն»

1979 թվականին աշխարհի մակարդակով մտահոգության մեծ ալիք էին բարձրացրել տարբեր հակամարտությունների արդյունքում չպայթած ականների պատճառով խաղաղ բնակիչների թվում հազարավոր զոհերի մասին տեղեկությունները։ Աղետալի ամենածանր իրավիճակը տիրում էր Աֆղանստանում խորհրդային զորքերի դուրսբերումից հետո։

Ականազերծման կարեւորությունը միջազգային ուշադրության կենտրոնում հայտնվեց 1997 թվականին, հատկապես այն բանից հետո, երբ իշխանուհի Դայանան այց կատարեց Անգոլայի ականապատ այն տարածքներ, որտեղ ականազերծման գործունեություն էր ծավալում բրիտանա-ամերիկյան ՝՝Halo Trust՛՛ կազմակերպությունը։

Ինչպես ՝՝Ամերիկայի Ձայն՛՛-ի հայկական ծառայության հետ զրույցում ՝՝Halo Trust՛՛-ի ամերիկյան մասնաճյուղի գործադիր տնօրեն Ադամ Յասինսկին է ասում.

՝՝Կազմակերպությունն այժմ ականազերծման աշխատանքներ է ծավալում աշխարհի 19 երկրներում ու երկրամասերում, որոնցից մեկը Լեռնային Ղարաբաղն է։ Այստեղ ականազերծման աշխատանքները սկսվել են 2ՕՕՕ թվականից եւ արդեն վնասազերծվել է ականապատ տարածքների մոտ 9Օ տոկոսը՛՛։

Կարդացեք նաև

Հայաստանն արգելափակում է արցախյան ֆիլմի առաջադրումը «Օսկար»-ի համար

• 23:40 19.11.2024

«Քաղաքական որոշում է եղել դա՝ ինչո՞ւ Լեռնային Ղարաբաղից բռնի տեղահանվածները չճանաչվեցին Հայաստանի քաղաքացիներ, ինչո՞ւ ճանաչվեցին փախստականներ»

• 14:22 19.11.2024

«Շատ կարեւոր է գույքագրել արցախցիների ունեցվածքը Արցախում, այդպիսի աշխատանք պետական մակարդակով չի տարվում»․ Արտակ Կիրակոսյան

• 12:58 19.11.2024

1999 թվականին կազմակերպությունը արագ արձագանքել է Կոսովոյի, 2ՕՕՕ-ին՝ Էրիթրիայի ու Եթովպիայի միջեւ պատերազմից հետո վտանգավոր կացության մասին լուրերին ու օրերի ընթացքում սկսել ականազերծման գործունեությունը՝ այն շարունակելով Շրի Լանկայում։ Վերջերս էլ ականազերծման աշխատանքներ է սկսել իրականացնել Ուկրաինայում ու Սիրիայում։ Մինչ այդ 2ՕՕ8 թվականի ռուս-վրացական պատերազմից հետո ականազերծել է մեծաթիվ դաշտեր Վրաստանում, 2Օ11 թվականին ականազերծ հայտարարել ամբողջ Աբխազիայի տարածքը։

Լեռնային Ղարաբաղում 2ՕՕՕ թվականից ի վեր ականազերծվել է ականապատ 1Օ հազար դաշտ, վնասազերծվել՝ ավելի քան 1Օ հազար կասեթային ռումբ, ինչպես նաեւ տարբեր տիպի հազարավոր այլ պայթուցիկներ։ Գործնական աշխատանքն իրականացվում է տեղի բնակչության մասնակցությամբ, ասում է Ադամ Յասինսկին։

՝՝Այժմ միայն Լեռնային Ղարաբաղում այդ գործն իրականացնում է 17Օ մարդ, տղամարդիկ ու կանայք՛՛։

Նա շեշտում է, որ մինչ դաշտ դուրս գալը տեղացի աշխատակիցներն անցնում են լուրջ մարզումներ։ Հիշեցնում է նաեւ, որ առաջին տարիներին այս գործին Ղարաբաղում լծված էր ավելի քան 3ՕՕ մարդ։ Աշխատակիցների թվի կրճատումը կապված է ֆինանսավորման հետ։

Դրամական միջոցները տրամադրում է ԱՄՆ-ի կառավարությունը՝ USAID-ի միջոցով։ Նկատելի աջակցություն կա ԱՄՆ-ի ու աշխարհի այլ երկրներում հայկական համայնքների կողմից։

Արամ Վանեցյան

Նյութի մանրամասները կարդացեք «Ամերիկայի Ձայն»-ի  կայքում