Պաշտպանության նախարար Վիգեն Սարգսյանի՝ լրատվամիջոցների ներկայացուցիչների հետ հանդիպման ընթացքում Aravot.am-ը հիշատակելով, թե այս օրերին սոցիալական ցանցերում հրապարակվում են բարձրաստիճան զինվորականների առանձնատների եւ թանկարժեք մեքենաների լուսանկարները՝ հետաքրքրվեց, թե արդյոք նախարարը պատրաստ է գնալ յուրաքանչյուր կոռուպցիայի դեպքի հետեւից:
Վիգեն Սարգսյանը պատասխանեց. «Այն ամեն ինչը, որ մեր իրավասությունների շրջանակներում է արվել է եւ արվելու է, այն ամեն ինչը, որ տեղի է ունենում այսօր՝ այսօր կայացվող որոշումների շրջանակում, դրա մասին ավելի վստահ եմ ասում, որովհետեւ կախված է յուրաքանչյուր օր իմ եւ իմ թիմի կայացրած որոշումներից: Այն, ինչը հետ գնալու խնդիր է, այն մասով, որ կախված է նախարարության աշխատանքից պատրաստ եմ մինչեւ վերջ գնալ:
Բայց հավատացեք, որ հետ գնալու խնդիրը ավելի շատ բազմաթիվ կառույցների ամենօրյա աշխատանքի մեջ է, եւ մենք այսօր էլ ունենք իրավիճակներ, երբ առաջանում է այս կամ այն գործը կամ հետաքննությունը կապված նախկինում եղած դեպքերի հետ: Այդտեղ ոչ մի հեղափոխական բան չկա: Ես իրոք ասել եմ, որ պատրաստ եմ ձեռք բռնել, բայց ավելի կարեւորում եմ ինստիտուցիոնալ լուծումներ գտնելը՝ բացառելու համար դրա հնարավորությունը»:
Կարդացեք նաև
Ամի ՉԻՉԱԿՅԱՆ
