Փաստաբաններն ահազանգում են, որ Անդրիաս Ղուկասյանի՝ Սարի թաղում զանգվածային անկարգություններ կազմակերպելու գործը փորձ է արվում միացնել «Սասնա ծռերի» գործին:
Անդրիաս Ղուկասյանի փաստաբան Կարեն Մեժլումյանը «Հայելի» ակումբում հիշեցրեց, որ նոյեմբերի 14-ին ՀՀ գլխավոր դատախազությունը հաղորդագրություն էր տարածել այն մասին, թե ապացույցներ են ձեռք բերվել այն մասին, որ կազմակերպիչների նպատակն էր Սարի թաղով գնալ ու միանալ ՊՊԾ գունդը գրաված տղաներին, ու գործն էլ հանձնել են ՀՔԾ-ին, որ միացնեն «Սասնա ծռերի» գործին:
Պարոն Մեժլումյանը, վկայակոչելով դրանից մի քանի օր հետո «Հիմնադիր խորհրդարանի» համակիր Գեղամ Սահակյանի հայտարարությունները , հավաստիացրեց, որ նա ընդամենը գործակալ է ու նախկինում ունի դատվածություն և հոգեկան խանգարումներ. «Նա հայտնել է նույնիսկ քննչական գաղտնիք համարվող տեղեկություն, թե առաջիկայում իրեն ու Անդրիաս Ղուկասյանին առերեսելու են: Գեղամ Սահակյանն այնպիսի բաներ է հայտնել, որոնք հրապարակվեցին Գլխավոր դատախազության կայքում»:
Կարդացեք նաև
Անդրիաս Ղուկասյանի փաստաբան Ինեսա Պետրոսյանը հարց բարձրացրեց` ինչո՞ւ պետք է առերես հարցաքննությունը տեղի ունենա Քննչական կոմիտեի շենքում, այլ ոչ թե մեկուսարանում, ինչպես սովորաբար: Ըստ նրա` դրա պատճառն այն է, որ ակնհայտ է`այդ անձի հետ աշխատում էին միաժամանակ մի քանի քննիչներ ու բաժնի պետը»:
Ինեսա Պետրոսյանը մտահոգություն հայտնեց, թե ոստիկանները, իշխանության ներկայացուցիչները ինչ ցուցմունք ուզես պատրաստ են տալ, եթե կա հրահանգ գործ սարքելու. «Սադրիչ գործակալ վկա են առաջ բերում և նա ուղղորդված ցուցմունքներ է տվել: Այն, որ Անդրիաս Ղուկասյանը ճանաչել է այդ անձնավորությանը, նա չի հերքել: Նա ասել է, որ հուլիսից վեց ամիս առաջ նրա հետո որևէ շփում չի ունեցել, իսկ հուլիսյան դեպքերի ժամանակ երկու անգամ Գեղամ Սահակյանը զանգել ու մեկ անգամ էլ խնդրել էր հանդիպել, քանի որ Սարի թաղի բնակիչ է: Նա եկել ասել է Անդրիաս Ղուկասյանին, թե Սարի թաղում խնդիր կա, հոսանքն են անջատել, որոշ քաղաքացիներ ցանկանում են նախաձեռնության խմբին ներկայացնել այդ խնդիրները: Դա է եղել խոսակցությունը»:
Տաթև ՀԱՐՈՒԹՅՈՒՆՅԱՆ
«Ահազանգը» որմէ՞կն է…
Փաստաբանները թող իրենց գործը կատարեն:
Եւ գոնէ հանրության լաւ բացատրեն թէ բանն ինչումն է:
Այն ինչ որ հասկանում ենք այս նյութով կատարվող ընդհանրապէս խառնաշփոթ հաղորդումներից, հետեւեալն է՝
ըստ պետական դատախազության,
Յուլիսի ապստամբութեան փորձը կազմակերպված էր հետեւեալ գործընթացով՝
. խումբի մը կարգ մը անդամները ոստիկանատունը կը գրաւեն, «կայծը տալու» համար, գրգռելու համար ժողովուրդը,
. նոյն խումբին մյուս անդամները, դրսում, կը փչեն այդ կայծին վրայ,
կը ջանան սաստկացնել հանրային այդ գրգռումը
. մինչեւ որ ամբոխային այնպիսի գրոհ մը գոյանա, որ Պետութիւնը չկարողանա զայն զսպել, եւ այդպէսով, գործողությունը հասնի իր նպատակներին
տեսականօրէն, անտրամաբանական չէ դէպքերի այս պատկերացումը
կը մնա սակայն որ տեսնենք փաստերը
ամէն դէպքում, շատ հեռու ենք «քաղբանտարկյալներ»ի հանկերգից