«Թերացանք մի հարցում՝ պահանջը շրջանառության մեջ դրվեց առանց հասարակությանն իրազեկելու: Նախօրոք պետք էր ներկայացնել օրինագիծը: Իհարկե, մարդիկ իրավունք ունեն իմանալու, թե ուր են ուղղվելու իրենց գումարները»,-այսօր «Հայացք» մամուլի ակումբում անդրադառնալով բանակի համար աշխատող քաղաքացիներից 1000 դրամ գանձելու ՊՆ օրինագծին, ասաց ԱԺ ՀՀԿ ական պատգամավոր Կարինե Աճեմյանը:
Նրա խոսքով՝ օրինագծին ծանոթանալուց հետո քաղաքացիների բոլոր մտահոգությունները կփարատվեն. «Կարծում եմ՝ ընդդիմադիր պատգամավորների վերահսկողական աշխատանքը հիմնադրամի շուրջ շատ կարեւոր է: Մտահոգություն կա, թե հունվարից հետո գումարները կհավաքվեն եւ պետք չեն գա, Աստված տա՝ այդպես լինի, բայց մենք շատ տուժած խավեր ունենք եւ շատ անելիք»:
Ըստ Կարինե Աճեմյանի՝ ազգ-բանակ գաղափարն իրագործելու ճանապարհին կարեւոր է, որ ոչ թե պետությունը պահանջի գանձել այդ գումարը, այլ մարդիկ հասկանան, թե բանակի համար ինչ մեծ գործ են անում:
Կարդացեք նաև
Լուիզա ՍՈՒՔԻԱՍՅԱՆ
