«Քրիստոնեա-ժողովրդավարական վերածնունդ» կուսակցության նախագահ Սոս Գիմիշյանի համոզմամբ՝ բանակի համար աշխատող քաղաքացիներից 1000-ական դրամ գանձելու օրինագիծն իրականում ՀՀԿ-ի նախաձեռնությունն է: «Գնացեք ՊՆ-ի դիմացի մեքենաները նայեք…Սա անբարոյական, հակապետական մոտեցում է: Համոզված եմ, որ պաշտպանության նախարարի գաղափարը չէ, նա կրթված, դաստիարակված տղա է, նրա մտքով նման բան չէր անցնի: Սա ՀՀԿ նախաձեռնությունն է»,-այսօր «Հայացք» մամուլի ակումբում հայտարարեց Սոս Գիմիշյանը:
Նրա կարծիքով՝ պետությունը ժողովրդի հարկերով պետք է լուծի նաեւ բանակի խնդիրները. «Դե եթե հիմնադրամներով պետք է որոշենք, եկեք լուծարենք պետությունը՝ հիմնադրամներ ստեղծենք, էլ պետությունն ինչո՞ւ է պետք…Սա գրպանահատություն է, ջեբկիրություն: Ի՞նչ գործ ունի ժողովրդի փողը արտաբյուջետային հիմնադրամում, որը դուրս է ժողովրդի վերահսկողությունից»:
Սոս Գիմիշյանին չի գոհացնում այն փաստը, որ առաջարկվում է ԱԺ ընդդիմադիր պատգամավորներին վերահսկել ստեղծվելիք հիմնադրամը. «Ընդդիմություն կա՞…բոլորն իրենց մանդատները Սերժ Սարգսյանից են ստացել»:
ԱԺ ՀՀԿ-ական պատգամավոր Կարինե ԱՃեմյանն էլ ասաց, որ օրինագիծն իշխանությունների նախաձեռնությունն է: «Յուրաքանչյուրն իրավունք ունի իմանալու, թե իր գումարն ուր է ուղղորդվում: Չի կարելի հիմնադրամը դիտարկել որպես միայն փող աշխատելու միջոց»,-հակադարձեց նա:
Կարդացեք նաև
Լուիզա ՍՈՒՔԻԱՍՅԱՆ
