«Թրամփը կաշխատի աշխուժացնել հայ-ամերիկյան հարաբերությունները, եթե պաշտոնական Երեւանը չունենա արտաքին եւ ներքին սահմանափակումներ: Հայ-ամերիկյան հարաբերությունների ընդհանուր դինամիկան մեծապես կախված կլինի նաեւ այն հանգամանքից, թե ով է լինելու նոր պետքարտուղարը եւ ընդհանրապես՝ նրա ողջ թիմը:
Եթե պետքարտուղար լինի Նյուտ Գինգրիչը, ապա, օրինակ, նրա վերաբերմունքը Ցեղասպանության ճանաչմանը շատ բացասական է եղել, մինչդեռ փոխնախագահ Մայքլ Պենսը կոնգրեսական եղած ժամանակ բազմաթիվ անգամներ հայտնել է իր աջակցությունը Ցեղասպանության ճանաչմանը: Այսինքն՝ այստեղ ամեն ինչ միանշանակ չէ: Դեռ վաղ է կանխատեսումներ անել, քանի որ Թրամփը դեռ պետք է շատ հարցերում կողմնորոշվի: Կարծում եմ՝ եթե նույնիսկ ԱՄՆ-ը չակտիվացնի իր շփումները Հայաստանի հետ, ապա գոնե կպահպանի եղած մակարդակները»,- «Առավոտ»-ին տված հարցազրույցում նշեց ՄԱՀՀԻ-ի ասոցացված փորձագետ Գեւորգ Մելիքյանը` անդրադառնալով հարցին, թե Վաշինգտոնի քաղաքականությունում արդյոք փոփոխություններ կարո՞ղ են տեղի ունենալ Թրամփի նախագահության օրոք:
Թեմայի մանրամասները
«Առավոտ»
Կարդացեք նաև
15.11.2016
