Միջազգային եւ անվտանգության հարցերի հայկական ինստիտուտի ղեկավար Ստեփան Սաֆարյանը դեմ չէ ՌԴ-Հայաստան հարաբերություններին, միայն գտնում է, որ դրանք պետք է հավասարը-հավասարին լինեն: Այդ մասին իր մոտեցումները նա բարձրաձայնեց այսօր, Հայաստան-ՆԱՏՕ եւ Հայաստան-ԵՄ համագործակցություններին վերաբերվող քննարկման ժամանակ: Վայքի տարբեր հասարակական կառույցների եւ ուսանողների համար քննարկումը կազմակերպել էր Գլոբալիզացիայի եւ տարածաշրջանային համագործակցության վերլուծական կենտրոնը:
Ստեփան Սաֆարյանը հայ-ռուսական ընկերության ու դաշնակցության իր պատկերացումներն ունի`դրանք միակողմանի չպետք է լինեն: Նա նաեւ գտնում է, որ մեր երկրի անվտանգության համար ոչ պակաս կարեւոր են հարաբերությունները ԵՄ-ի, ՆԱՏՕ-ի եւ այլ միջազգային այլ կառույցների հետ, ուստի, համոզված է`մենք պարտավոր ենք պահպանել Հայաստանի հարաբերությունները միջազգային այս հարթակների հետ:
Ստեփան Սաֆարյանը հույս ունի նաեւ, որ ՌԴ-Արեւմուտք հարաբերություններն էլ տեսանելի ապագայում կարգավորման փուլ կմտնեն, ինչն առավել մեծ հնարավորություններ կստեղծի Հայաստանի համար:
Կարդացեք նաև
Գլոբալիզացիայի եւ տարածաշրջանային համագործակցության վերլուծական կենտրոնի ղեկավար Ստեփան Գրիգորյանն էլ համամիտ է`Հայաստանի անվտանգությունը, լինի դա այդ թվում նաեւ էներգետիկ, լոգիստիկ եւ այլ, պետք է ապահովենք դիվերսիֆիկացիայի միջոցով: Մի բան, որն այսօր բանախոսն իրական խնդիր է համարում Հայաստանի համար, քանի որ մեծամասամբ հայկական ռազմավարական ձեռնարկությունները ռուսական մենաշնորհատերների ձեռքերում են:
Ստեփան Գրիգորյանը խոսեց միջազգային կառույցներում հայկական կողմի թերացումների մասին: «Մեր փրկությունը, եթե ուզում ենք ԼՂՀ-ն պահել, արեւմտյան կառույցների հետ աշխատանքն է»,- համոզված է քաղաքագետը:
Մանրամասները` տեսանյութում:
Նելլի ԳՐԻԳՈՐՅԱՆ
