Ապրիլյան քառօրյա պատերազմում նահատակված հերոսներ Տիգրան Աբգարյանի, Բենիամին Եղոյանի ու Վլադիմիր Ալիխանյանի հիշատակին շաբաթ օրը Ֆիզուլիում բացվել է հուշայգի՝ խաչքարով ու ցայտաղբյուրով։ Այս մասին մեզ տեղեկացրեց Տիգրանի եղբայրը՝ Ժորա Աբգարյանը՝ լուսանկարներ տրամադրելով։
Արցախում հուշայգի կառուցելու, ցայտաղբյուր ու խաչքար տեղադրելու նախաձեռնության հեղինակը երեք հերոսների ընտանիքներն են։ Ժորա Աբգարյանի տեղեկացմամբ, խաչքարի հեղինակը գյումրեցի քանդակագործ Անդրանիկ Ղափլանյանն է՝ իրենց հոր ընկերը, որը իր կողմից նվիրել է ինչպես Արցախի խաչքարը, այնպես էլ իրենց տան դիմաց Տիգրանի հիշատակին կառուցված հուշահամալիրի տանկն ու հուշատախտակը։
Նշենք, որ նրանք երեքով են խոցել թշնամու տանկերը․ անակնկալի գալով թշնամու հարձակումից՝ մղվել են առաջնագիծ, մտել թշնամու 8 տանկերի մեջ, անողոք, անզիջում կռիվ մղել ու իրենց մի տանկով կարողացել են ոչնչացնել թշնամու 3 տանկ։ 20-ամյա գյումրեցի Տիգրան Աբգարյանը եղել է ղեկին, սպա Բենիամին Եղոյանը, որը Շիրակի մարզի Մեծ Մանթաշ գյուղից էր, հրամանատարն էր, իսկ Վլադիմիր Ալիխանյանը, որը նշանառու օպերատոր էր՝ Դիլիջանից էր։
Կարդացեք նաև
Նունե ԱՐԵՎՇԱՏՅԱՆ
