«Անձամբ ես նման տեղեկություններ չունեմ»,-Aravot.am-ի հետ զրույցում անդրադառնալով լուրերին, թե ԲՀԿ նախկին առաջնորդ Գագիկ Ծառուկյանը մտադիր է նորաստեղծ «Միասնություն» անկուսակցական շարժման միջոցով վերադառնալ քաղաքականություն, ասաց ԲՀԿ քարտուղար Վահե Էնֆիաջյանը:
«Գագիկ Ծառուկյանի վերադարձի պարագայում նա ինքը կորոշի՝ ի՞նչ ձեւաչափ է ընտրելու՝ քաղաքական դաշտում իր մասնակցությունն ապահովելու համար: Վստահ եմ, որ ԲՀԿ-ն իր առանցքային դերն ունի ՀՀ քաղաքական դաշտում, եւ եթե նման գործընթաց տեղի ունենա, բնականաբար, ԲՀԿ ակունքներում կանգնած է Գագիկ Ծառուկյանը, եւ ԲՀԿ-ն, բնականաբար, անմասն չի մնա»,-հավելեց Վահե Էնֆիաջյանը:
Լուիզա ՍՈՒՔԻԱՍՅԱՆ
