«Այս գաղափարին դեմ գնալ չի կարելի, քանի որ սա է մեր ապագան: Ցանկացած հարցի, որը գաղափարին արդարության տարրեր է ավելացնում, կողմ ենք, եւ մենք էլ առաջարկություններ կներկայացնենք»,-այսօր խորհրդարանում լրագրողների հետ զրույցում անդրադառնալով բանակի համար 1000-ական դրամ գանձելու ՊՆ նախագծին, ասաց ԱԺ ՀՅԴ խմբակցության ղեկավար Արմեն Ռուստամյանը:
«Մարդիկ, որոնք չքավորության մեջ են, նրանցից ընդհանրապես չպետք է գանձվի: Նրանցից չեն գանձելու, դա միանշանակ է: Շեմեր կան՝ դրանք պետք է հստակ դրվեն, որ տպավորություն ստեղծվի, թե մարդու բերանից կտրում-տանում են»,-նշեց նա:
Արմեն Ռուստամյանը խոսեց նաեւ բանակի հաշվին հարստացած բարձրաստիճան զինվորականների մասին. «Քննադատությունների զգալի մասը հիմնավոր է, բայց դժգոհությունը չպետք է պատճառ դառնա, որ ցանկացած ճիշտ բանն էլ քարկոծենք»:
Ռուստամյանը հավելեց, որ ապօրինի հարստացածների խնդիրը կառավարությունը մտադիր է լուծել ապօրինի հարստացումը քրեականացնելով:
Կարդացեք նաև
«Շատերին հարցնես՝ կասեն՝ «Ղարաբաղն ինչների՞ս է պետք, թողեք ապրենք», բայց չեն հասկանում, որ Ղարաբաղն ու իր տունը նույնն են, որ թուրքը մտավ Ղարաբաղ՝ այդտեղ էլ է մտնելու»,-նախագծի շուրջ դժգոհողներին այսպիսի հորդոր հղեց Արմեն Ռուստամյանը:
Լուիզա ՍՈՒՔԻԱՍՅԱՆ
