ԱԺ ՀՀԿ-ական պատգամավոր, ոստիկանապետ Վլադիմիր Գասպարյանի փեսան՝ Արթուր Գեւորգյանը կարծում է, որ բանակի համար գանձվող գումարը տոկոսային պետք է լինի, այսինքն, քիչ աշխատավարձ ստացողը վճարի քիչ, շատ ստացողը՝ շատ: Այսօր ԱԺ-ում լրագրողների հետ զրույցում նա չբացառեց, որ այդ առաջարկը կներկայացնի:
Անդրադառնալով բանակի հաշվին հարստացած գեներալների գումարները բանակին վերադարձնելու կարծիքներին, Գեւորգյանն ասաց. «Եթե գեներալը հարստացել է ոչ բանակի հաշվին, շատ նորմալ եմ դա համարում: Իսկ եթե հարստացել է բանակի հաշվին, դրա համար կան պատկան մարմիններ, որոնք պարտավոր են զբաղվել…ի՞նչ գիտեք՝ չեն զբաղվել»:
Գեւորգյանը լրագրողներին մեղադրեց՝ ասելով. «Դուք հասարակության մեջ ստեղծում եք մի կարծիք, որ գեղեցիկը, հաջողակը, հարուստը դիտվում է որպես վատ…համաձայն եմ, որ կան չարաշահող պաշտոնյաներ եւ հարստացել են ոչ ճիշտ ճանապարհով, բայց թող պատկան մարմինները նրանցով զբաղվեն»:
Կարդացեք նաև
Լուիզա ՍՈՒՔԻԱՍՅԱՆ
