Հակոբ Հակոբյան (ՀՀԿ խմբակցության անդամ)
– Քառօրյա պատերազմը ցույց տվեց, որ անկախ իշխանության հանդեպ հանրության դժգոհությունից, բոլորը մեկ մարդու պես կանգնեցին բանակի կողքին, իսկ այսօր «1000 դրամ» անունը ստացած նախագծի դեմ են խոսում, որովհետև վստահ չեն, որ այդ գումարները նպատակին կծառայեն։ Ինչո՞ւ է իշխանությունը խնդիրը տեղափոխում հոգեբանական հարթություն և դավաճաններ փնտրում։
– Չխորանալով նախագծի մանրամասների մեջ, կասեմ միայն հետևյալը, այն ժողովուրդը, որն իր հայրենիքի պաշտպանության համար զոհված կամ հաշմանդամ դարձած զինվորի համար 1000 դրամ չի տալիս, պատրաստ է սեփական երկիրը տալու ուրիշի զինվորին։ Ինձ համար անհասկանալի է նաև հետևյալը, այն հասարակությունը, որ ապրիլյան պատերազմի ժամանակ պատրաստ էր իր կյանքի գնով սահմանում կռվելու և հայրենիքը պաշտպանելու, այսօր հաշմանդամ զինվորին 1000 դրամ վճարելու համար վրդովված է, նեղացած։
– Հասարակությունն ամենևին էլ չի զլանում այդ գումարը փոխանցել, խնդիրը մի տեղափոխեք այդ հարթություն։ Մարդկանց զայրույթը պայմանավորված է այն բանով, որ բանակի հաշվին հարստություն են կուտակել որոշ անձինք, գեներալներ, ու փոխանակ նրանց պարտադրեք փոխհատուցել այդ գումարները, շարքային քաղաքացիների վրա լրացուցիչ հարկատեսակ եք ավելացնում։
Կարդացեք նաև
– Ես ունեմ շատ երկրների օրինակներ, որտեղ հստակ նշված է, թե իրենց զինվորին ինչպես են վերաբերվում։ Իսկ Ձեր նշած դիտարկումները պետք է նայել երկրում առկա խնդիրների համատեքստում և, ըստ այդմ, լուծումներ գտնել։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
