Տավուշի մարզի ամենամեծ գյուղական համայնքի՝ սահմանամերձ Կողբի ղեկավար Արսեն Աղաբաբյանին հարցրինք, թե նոյեմբերի 11-ին Դիլիջանում կայացած հանդիպման ժամանակ Կողբում աուդիոստուդիա գործարկելու ի՞նչ ծրագիր է ինքը առաջարկել վարչապետ Կարեն Կարապետյանին, որ վերջինս այն «զիլ» է որակել:
Ա. Աղաբաբյանը նշեց, որ հանդիպումը լուսաբանող լրագրողները շփոթել են, իրականում ինքն առաջարկել է Կողբում իրականացնել թվային ստուդիա ստեղծելու ծրագիր:
Կողբի համայնքապետի խոսքերով՝ այն նորարարական լուրջ ծրագիր է, որը թույլ կտա բազում աշխատատեղեր ստեղծել: Թվային ստուդիան կզբաղվի եռաչափ մոդելավորմամբ, թվային լոգոտիպերի, աուդիոգրքերի արտադրությամբ եւ այլն:
Կարդացեք նաև
Կողբի համայնքապետն ասաց, որ բացի վերոհիշյալ ծրագիրը,ինքը կառավարության ղեկավարին ներկայացրել է 3 ծրագիր՝ ոչ ավանդական մշակաբույսերի աճեցման. Կողբում էթնոտուրիզմի զարգացման, ցելիոլիտ հանքանյութի վերամշակման ծրագրեր: Ա. Աղաբաբյանի վկայությամբ բոլոր ծրագրերը լուրջ մշակումների արդյունք են, կան ֆինանսական ներդրողներ:
Նա հայտնեց, որ ինքն այսօր կառավարությունում տարածքային կառավարման եւ զարգացման նախարար Դավիթ Լոքյանի հետ հանդիպման ժամանակ հանգամանորեն ներկայացնելու է վերոհիշյալ ծրագրերը:
Ոսկան ՍԱՐԳՍՅԱՆ
Ցելիոլիտ չէ այլ ցոլիտի հանքանյութ