Հայաստանը եւ ՆԱՏՕ-ն «Վստահության հիմնադրամ» խորագրով նոր ծրագիր կիրականացնեն, որի շրջանակում առաջիկայում կկատարվի զինված ուժերի՝ գործածությունից դուրս եկած զրահապատ մեքենաների ոչնչացում: Այս մասին նոյեմբերի 14-ին Հայաստանում ՆԱՏՕ-ի տեղեկատվական կենտրոնում լրագրողներին հայտնեց ՀՀ ՊՆ պաշտպանական քաղաքականության վարչության պետի տեղակալ Մհեր Իսրայելյանը:
Նա նշեց, որ ծրագրի իրականացումը կղեկավարի Գերմանիան. «Օրեր առաջ Բրյուսելում մեր հանդիպման ժամանակ հայտարարվեց, որ Գերմանիան այդ նպատակով կհատկացնի 1 միլիոն եվրո: Մինչեւ տարեվերջ կիրականացնենք իրավական եւ նախապատրաստական համաձայնեցումներ, որից հետո ծրագիրը կմեկնարկի»:
ՊՆ պաշտոնյան նաեւ տեղեկացրեց, որ ծրագիրը ներառում է ականների հետ կապված կրթական միջոցառումներ:
Կարդացեք նաև
Լուիզա ՍՈՒՔԻԱՍՅԱՆ
