«Վերջերս քննարկել ենք Սիրիայի խնդիրը: Հայաստանը լինելով փոքր երկիր՝ մոտ 20 հազար սիրիահայերի է ընդունել: Հիմա Սիրիայում, այդ թվում՝ Հալեպում, պատերազմից շատ հայեր են տառապում»,-նոյեմբերի 14-ին Հայաստանում ՆԱՏՕ-ի տեղեկատվական կենտրոնում լրագրողների հետ հանդիպմանն ասաց Հարավային Կովկասում ՆԱՏՕ-ի կապի գրասենյակի ղեկավար Ուիլյամ Լահյուն:
Նա նշեց, որ ՆԱՏՕ-ի իր պաշտոնակիցների հետ քննարկել է նաեւ իրավիճակը Լեռնային Ղարաբաղում. «Անշուշտ, ՆԱՏՕ-ն հասկանում է Հայաստանի ժողովրդի վրա նման շարունակական հակամարտությունների թողած լուրջ ազդեցությունը: Թեեւ ՆԱՏՕ-ն ուղղակիորեն ներգրավված չէ այդ հակամարտություններում, բայց մեր գործընկերների հետ միասին փորձում ենք քաղաքական օժանդակություն տրամադրել այն հաստատություններին, որոնք աշխատում են այդ տարածաշրջաններում հանուն խաղաղության»:
Ուիլյամ Լահյուն նաեւ համոզմունք հայտնեց, որ Հայաստան-ՆԱՏՕ հարաբերությունները կայուն են եւ շարունակելու են այդպիսին մնալ:
Հավելենք, որ Հայաստանում «ՆԱՏՕ շաբաթ»-ի մեկնարկի առթիվ սպասվում են տեղեկատվական բնույթի մի շարք միջոցառումներ:
Կարդացեք նաև
Մանրամասն՝ տեսանյութում
Լուիզա ՍՈՒՔԻԱՍՅԱՆ
