Շան կեր, киевский զուգարանի թուղթ, կոկորդի բժիշկ մոմ. Անդրանիկի փողոցում տեղակայված դեղատներից մեկի վաճառասեղանին փակցված են հաճախորդների զավեշտալի պահանջները:
«Բարեւ ձեզ, ինձ մի հատ քթի Ստալին կտա՞ք», «Բարեւ ձեզ, 911-ի бродяга կտա՞ք», «Հավերիս համար Վիագրա կտա՞ք, էս 6 ամիս է՝ չեն ածում, ասել են՝ Վիագրա տամ». այսպես վաճառողուհին գրի է առել, թե ինչ հարցով են երբեմն մարդիկ դիմում իրեն՝ այդպիսով զգուշացնելով ներս մտնողին, որ «Սալին» դեղի փոխարեն Ստալին չեն ուզում, հավերի ձու ածելու համար «Վիագրան» պիտանի չի, իսկ 911-ի Бадяга է լինում սովորաբար:
Անվստահությունն այնքան է մեծացել, որ դեղատան աշխատողից պահանջում են հղիության թեստը փորձել, տեսնել աշխատում է, նոր տալ, բողոքում են, որ մոմիկը դնում են բերանում, անմիջապես հալում է, չեն հասցնում բժշկի ասած ցուցումները կատարել եւ ուզում են ամենաանհավանական տնտեսական, կենցաղային ապրանքները, որոնք կապ չունեն դեղատան եւ բժշկության հետ առհասարակ:
Կարդացեք նաև
Լուսանկարը՝ Հռիփսիմե ՋԵԲԵՋՅԱՆԻ
«Առավոտ»
12.11.2016
