Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում այսօր քննվեց հուլիսին Ոստիկանության ՊՊԾ գունդը գրաված «Սասնա ծռեր» խմբի անդամ Թաթուլ Թամրազյանի պաշտպան Մոնիկա Մարգարյանի բողոքն ընդդեմ ՀՔԾ քննիչ Հակոբյանի անգործության:
Հիշեցնենք, որ Թաթուլ Թամրազյանը ՊՊԾ գունդը գրավելու ժամանակ վիրավորվել էր եւ հուլիսից մինչեւ օգոստոսի 6-ը գտնվել «Էրեբունի» բժշկական կենտրոնում:
Aravot.am-ի հետ զրույցում Թամրազյանի պաշտպան Մոնիկա Մարգարյանը դժգոհեց, որ հուլիսի 17-ից օգոստոսի 6-ն ընկած ժամանակահատվածում իր պաշտպանյալի իրավունքներն են խախտվել. «Ոստիկաններն անազատության մեջ են պահել՝ կտրելով արտաքին աշխարհի հետ կապից , ընդորում անհասկանալի պատճառներով: Ոստիկաններն իրավազորություն են հաստատել հիվանդանոցում՝ արգելելով ե՛ւ հարազատներին, ե՛ւ ինձ տեսակցել Թաթուլ Թամրազյանի հետ»:
Մոնիկա Մարգարյանը նաեւ ասաց, որ բողոքի քննությանն այսօր չէր ներկայացել իր պաշտպանյալի թարգմանիչը (խմբ. Թաթուլ Թամրազյանը հայերենին լավ չի տիրապետում), ինչի պատճառով էլ դատական նիստը հետաձգվեց:
Կարդացեք նաև
Հաջորդ նիստը նշանակվեց նոյեմբերի 28-ին:
Արփինե ՍԻՄՈՆՅԱՆ
վերնագիրը կարդալով, կարծեցի թէ թարգմանիչի կարիքը կա, որովհետեւ այս բոլոր Դիւցազներգական Հերոսները խօսում են միայն Սասնա բարբառով…
սակայն ահա, տեղեկանում ենք որ Հայաստանի Փրկիչ Կիսաստվածները բավարար հայերէն չգիտեն
(աւելի լրջորէն՝ ո՞րտեղից է եկել արդյոք այս մէկը…)