Այսօր կառավարության նիստից հետո լրագրողները արտաքին գործերի փոխնախարար Շավարշ Քոչարյանից հետաքրքրվեցին, թե հնարավո՞ր է Ադրբեջանը կրկին պատերազմ սկսի, հաշվի առնելով, որ այս օրերին նա մեծամասշտաբ զորավարժություններ է անցկացնում:
«Առավել եւս Վիեննայի եւ Սանկտ Պետերբուրգի հանդիպումներից հետո նմանատիպ զորավարժությունների անցկացման համար ադրբեջանցիները 40 օր առաջ պետք է դիմեին, ինչը չեն արել: Դա կրկին խոսում է այն մասին, որ Բաքուն շարունակում է, ըստ էության, տորպեդահարել Վիեննայի եւ Սանկտ Պետերբուրգի համաձայնությունները կյանքի կոչելը»,- ասաց պարոն Քոչարյանը:
Շավարշ Քոչարյանի խոսքերով, մենք պետք է միշտ պատրաստ լինենք հակառակորդի կողմից ցանկացած քայլի, «առավել եւս ապրիլյան դեպքերից հետո»:
Պարոն Քոչարյանի համոզմամբ, Բաքվի զորավարժություններն ընդամենը ուժի ցուցադրություն են. «Մյուս կողմից, Ադրբեջանը խնդիր ունի, որովհետեւ այն, ինչ հրամցվում էր իր հասարակությանը եւ այն պատկերացումը, որն ուներ այդ երկրի ղեկավարությունը, ապրիլյան պատերազմը ցույց տվեց, որ դա ամենեւին էլ այդպես չէ:
Կարդացեք նաև
Հարցին, թե ԱՄՆ նորընտիր նախագահ Դոնալդ Թրամփին, ըստ մեկնաբանությունների, այդքան էլ չի հետաքրքրում մեր տարածաշրջանը, պարոն Քոչարյանն ասաց, որ այդ հարցով տարբեր, իրարամերժ գնահատականներ կան:
Մանրամասները` տեսանյութում
Լուսինե ԲՈՒԴԱՂՅԱՆ
