Aravot.am-ը ՀՀ ԱԺ-ի եւ ՌԴ Դաշնային ժողովի միջեւ համագործակցության միջխորհրդարանական հանձնաժողովի համանախագահ, հայտնի պետական գործիչ, ՀՀ ազգային հերոս Նիկոյալ Ռիժկովին խնդրեց մեկնաբանել ՌԴ արտգործնախարար Սերգեյ Լավրովի հայտարարությունն այն մասին, թե «Թուրքիան կարող է դրական դերակատարում ունենալ Ղարաբաղյան հակամարտության կարգավորման գործում»:
«Կարծում եմ՝ Լավրովը հիմքեր ունի այդպես ասելու… Թուրքիան մեծ ազդեցություն ունի Ադրբեջանի վրա: Կարծում եմ՝ դա ասելուց Լավրովը նկատի ուներ, որ որոշակի ցանկությանն դեպքում Ադրբեջանը կարող է հարցը լուծել Թուրքիայի հետ՝ միայն այդպես»,-մեզ հետ զրույցում ասաց Նիկոյալ Ռիժկովը:
Հետաքրքրվեցինք նաեւ, թե ինչ կարծիք ունի այն պնդման մասին, թե ռուս-թուրքական մերձեցման համատեքստում Թուրքիան կարող է ճնշում գործադրել ՌԴ-ի վրա՝ Արցախյան հակամարտության հարցում Ադրբեջանին զիջումներ անելու նպատակով: «Մենք ի՞նչ գործընկեր Թուրքիայի հետ: Դա համագործակցություն չէ, Թուրքիան ՆԱՏՕ-ում է, իսկ մենք բոլորովին այլ տեղում ենք: Չեմ կարծում, որ մենք Թուրքիայի հետ այնպիսի գործակցություն ունենք, որ ներազդենք ինչ-որ հարցերի վրա»,-պատասխանեց Նիկոլայ Ռիժկովը:
Կարդացեք նաև
Լուիզա ՍՈՒՔԻԱՍՅԱՆ
