ԱԺ-ում այսօր ՌԴ Դաշնային ժողովի եւ ՀՀ ԱԺ-ի միջեւ համագործակցության միջխորհրդարանական հանձնաժողովի 28-րդ նիստի շրջանակում միջխորհրդարանական հանձնաժողովի համանախագահ, հայտնի պետական գործիչ Նիկոլայ Ռիժկովը լրագրողների հետ զրույցում անդրադարձավ ԱՄՆ նախագահի ընտրություններին:
«Քլինթոնն ակնհայտ հակառուսական դիրքորոշում էր որդեգրել եւ հայտարարում էր, որ Ռուսաստանը վատն է, որ մեր երկրի ղեկավարությունը վատն է: Մեզ մոտ նրա հանդեպ «հակաթույն» էր ձևավորվել, իսկ Թրամփը ագրեսիվ հայտարարություններ չի արել»,-ասաց նա՝ նկատելով, որ Ռուսաստանի բնակչության մեծ մասը սատարել է Դոնալդ Թրամփին:
Ըստ Ռիժկովի՝ Ուկրաինայում աղոթում էին, որ ԱՄՆ նախագահ ընտրվի Հիլարի Քլինթոնը, որովհետեւ նրա ընտրվելով միայն կպահպանվեր ԱՄՆ-ի դիրքորոշումը Ուկրաինայի խնդրում. «Թրամփի ընտրվելը մեծ հարված էր Ուկրաինայի համար»:
Ռիժկովը վստահ է, որ Թրամփի ընտրվելով Ռուսաստանի և ԱՄՆ-ի միջև հարաբերությունների բարելավման ուղղությամբ քայլեր կիրականացվեն. «Մեր հարաբերություններն այնքան են վատացել, որ դրանից այն կողմ էլ տեղ չկա»:
Կարդացեք նաև
Լուիզա ՍՈՒՔԻԱՍՅԱՆ
